បាត់ដំបង ៖ ក្រុមចោរប្លន់២នាក់ចាប់បាន រីឯ៣នាក់យកមាសប្រាក់់គេចខ្លួនបាត់ បន្ទាប់ពីប្លន់អាជីវករលក់មាសផ្សារណាត់ដល់ផ្ទះ នាល្ងាចថ្ងៃទី១២ខែធ្នូឆ្នាំ២០១៥ នៅផ្ទះភូមិអូរតាគាំ២ សង្កាត់ទួលតាឯក ក្រុងបាត់ដំបង។
នៅរសៀលថ្ងៃទី១៤ខែធ្នូឆ្នាំ២០១៥អ្នកយកព័ត៌មានជាច្រើននាក់ត្រូវគេដេញចេញពីស្នងការដ្ឋានខេត្ត មិនអនុញ្ញាតិឲ្យថតផ្សាយទេហាក់បីមានអាថ៌កំបាំង។
ប្រភពពីសមត្ថកិច្ចកាលពីថ្ងៃទី១៣ ខែធ្នូ ឆ្នាំ២០១៥ ក្រុមចោរប្លន់ត្រូវដេញចាប់់ប្រកិតៗ ហើយចាប់ខ្លួនបាន៥នាក់ក្នុងនោះមានកូនអ្នកធំម្នាក់ ហើយកូនអ្នកធំ ត្រូវបានកែសំណុំរឿង ចែកចាយថ្នាំញៀន លុះថ្ងៃទី១៤ត្រូវ បានកែប្រែព័ត៌មាន ចាប់បាន២នាក់ ហើយកូនអ្នកធំ ត្រូវ បានដោះលែងអោយមានសេរីភាព អ្នកយកព័ត៌មានជាច្រើននាក់ ត្រូវបានដេញចេញពីស្នង ការ ដ្ឋាននគរបាលខេត្ត មិនអោយយកព័ត៌មាន។
កម្លាំងកងរាជអាវុធហត្ថឃាត់ខ្លួនជនសង្ស័យម្នាក់កាលម៉ោង១យប់ឈានចូលថ្ងៃទី១៣ខែធ្នូឆ្នាំ២០១៥នៅភូមិកកោះឃុំកកោះស្រុកមោងឬស្សីខេត្តបាត់ដំបង។ជនសង្ស័យឃាត់ខ្លួនមានឈ្មោះ យ៉ាន់ ផា អាយុ៥៤ឆ្នាំ រស់នៅភូមិស្តៅអែម ឃុំចំបក់ ស្រុកបាទី ខេត្តតាកែវ ។
ជនសង្ស័យសារភាពថា បានចូលរួមក្នុងសកម្មភាពប្លន់អាជីវករលក់មាសខាងលើមែនជាមួយនឹង បក្ខពួកទាំងអស់ចំនួន៥នាក់ បានប្រើប្រាស់ម៉ូតូចំនួន៣គ្រឿង ព្រមទាំងមានអាវុធខ្លីចំនួន២ដើម ដោយរូបគេជាអ្នកកាន់អាវុធ ឯគ្នាគេម្នាក់ទៀតគឺជាអ្នកកាន់ចង្កូតម៉ូតូ។
ក្រោយរត់គេចខ្លួនដល់ភូមិកកោះឃុំកកោះស្រុកមោងឬស្សីខ្លួនបានដោះដូរខោអាវមានមាសប្រាក់ទុកនៅវាលស្រែហើយទិញកង់អ្នកភូមិជិះបន្លំភ្នែកសមត្ថកិច្ចតែត្រូវកម្លាំងអាវុធហត្ថឃាត់ខ្លួនតែម្តង។
រហូតដល់ម៉ោង១០ព្រឹកថ្ងៃទី១៣ខែធ្នូឆ្នាំ២០១៥នៅភូមិកកោះឃុំកកោះស្រុកមោងឬស្សីខេត្តបាត់ដំបង កម្លាំងស្នងការដ្ឋាននគរបាលខេត្តសហការជាមួយ កម្លាំងអធិការដ្ឋាននគរបាលស្រុកមោងឫស្សី បានឃាត់ខ្លួនជនសង្ស័យម្នាក់ទៀត មានឈ្មោះ នៅ រស់ ភេទប្រុស អាយុ៥៣ឆ្នាំ មានស្រុកកំណើត នៅខេត្តកោះកុង ដោយបច្ចុប្បន្នមិនមានអាស័យដ្ឋានច្បាស់លាស់នោះទេ។
ជនសង្ស័យទាំង២នាក់បានសារភាពថា ខ្លួនត្រូវបានគេទូរស័ព្ទឲ្យជិះឡានមកបាត់ដំបង ២ថ្ងៃមុនដេកនៅផ្ទះសំណាក់ដើម្បីរងចាំធ្វើសកម្មភាពប្លន់លុះដល់ថ្ងៃមានឱកាសក៏ចេញប្លន់ពេលប្លន់បានសម្រេចរួចមក ពួកគេទាំង២នាក់ត្រូវបានបក្ខពួកចែកឲ្យនូវគ្រឿងអល័ង្កាចំនួនមួយ កេសដើម្បីចែកគ្នា ហើយក៏បានបែកផ្លូវគ្នា។ចំពោះជន៣នាក់ទៀត គឺខ្លួនមិនស្គាល់ច្បាស់នោះទេ ដោយគ្រាន់តែដឹងថា ពួកគេគឺរស់នៅក្នុងខេត្តបាត់ដំបងតែប៉ុណ្ណោះ៕
