ខេត្តបន្ទាយមានជ័យ៖កម្លាំងរដ្ឋបាលព្រៃឈើចុះបង្ក្រាបទីតាំងជួញដូរសត្វស្លាប២កន្លែងខុសច្បាប់ដកហូតបានប្រមាណ សត្វ២០០ក្បាលថ្ងៃទី០៩ ខែធ្នូ ឆ្នាំ២០១៥ ក្នុងក្រុងសិរីសោភ័ណ្ឌ។
លោក អ៊ុក ហុកថាវរៈ នាយសង្កាតរដ្ឋបាលព្រៃឈើក្រុងសិរីសោភ័ណបានប្រាប់ឲ្យថា ក្រោយពេលដែលធ្វើការស្រាវជ្រាវទទួលមុខសញ្ញាអ្នកជួញដូរសត្វស្លាប ហើយបានចុះបង្ក្រាបរឹបអូសបានសត្វស្លាបចម្រុះប្រមាណជាង២០០ក្បាលភាគច្រើនសត្វស្លាបត្របកត្រពាំង ទីតាំងដែលបង្ក្រាបនៅព្រៃឫស្សីក្រោយផ្ទះប្រមាណជា១០០ម៉ែត្រដែលរោមសត្វ ២កន្លែង គំនរនិងឆ្នាំងដាំទឹកក្តៅបោចសត្វនិងកៅអ៊ីជ័រអង្គុយបោចរោមសត្វជាង១០ក្បាល។
លោក ប៊ូ វណ្ណះ នាយផ្នែករដ្ឋបាលព្រៃឈើបន្ទាយមានជ័យបានប្រាប់ថា ក្រោយពេលដែលចុះបង្ក្រាបទីតាំងជួញដូរសត្វស្លាប ឃើញសកម្មភាពនេះជួញដូរសត្វស្លាបជិត១ឆ្នាំហើយ នៅពេលចុះបង្ក្រាបឈ្មួញរត់គេចខ្លួនអស់ នៅសល់សត្វស្លាបដែលបោចហើយ និងមិនទាន់បោចភាគច្រើន ។ ទោះជាការចុះបង្ក្រាបចាប់មិនបានអ្នកជួញដូរក៏ដោយ ពោលគឺពួកគេ រត់គេចខ្លួនអស់មន្ត្រីជំនាញបានណែនាំអប់រំដល់អ្នកជិតខាងឲ្យបញ្ឈប់ការជួញដូរសត្វស្លាបជាអំពើល្មើស និងច្បាប់។ សត្វស្លាប់ដែលឈ្មួញជួញដូរក្រោយពេលបោចហើយយកទៅដាក់លក់ឲ្យម៉ូយតាមភោជនីយ៍ដ្ឋាននិងសណ្ឋាគារ ចំពោះសត្វស្លាបដែលបង្ក្រាបបានប្រមាណជាង២០០ក្បាលត្រូវបានមន្ត្រីជំនាញយកទៅកប់ចោល ៕
