ខេត្តបាត់ដំបង ៖ កម្លាំងនគរបាល នៃអធិការដ្ឋានស្រុកភ្នំព្រឹក សហការជាមួយ នគរបាលប៉ុស្តិ៍បួរ កាលពីវេលាម៉ោង ១៤:៣០នាទី ថ្ងៃទី០៨.១២.២០១៥ បានចុះប្រតិបត្តិការបង្ក្រាបករណី កាន់កាប់ រក្សាទុក ជួញដូរ ចែកចាយ គ្រឿងញៀន ដោយខុសច្បាប់ នៅចំណុចក្រោយ សាលារៀនបឋមសិក្សាបួរ ស្ថិតក្នុងភូមិឃុំបួរ ស្រុកភ្នំព្រឹក ខេត្តបាត់ដំបង រួចឃាត់ខ្លួន ជនសង្ស័យ ចំនួន២នាក់ និងដកហូតបាន វត្ថុតាង មួយចំនួន ។
ជនសង្ស័យទាំង២នាក់ ខាងលើ ទី១ឈ្មោះ ឈៀង វណ្ណធី ភេទប្រុស អាយុ៣២ឆ្នាំ និងទី២ឈ្មោះ ដា វាសនា ភេទប្រុស អាយុ២១ឆ្នាំ អ្នកទាំង២រស់នៅ ភូមិ.ឃុំកើតហេតុ ត្រូវកម្លាំងនគរបាល ឃាត់ខ្លួនដោយដកហូតបាន ថ្នាំគ្រាប់រាងមូលសំប៉ែត ពណ៌ផ្កាឈូក (WY) ចំនួន៦៨គ្រាប់ , ម្ស៉ៅក្រាមពណ៌ស ០២កញ្ចប់តូច , ម៉ូតូហុងដា វ៉េវ ចំនួន០២គ្រឿង ។ បច្ចុប្បន្ន ជនសង្ស័យកំពុងត្រូវបាន សមត្ថកិច្ចជំនាញ ធ្វើការសួរនាំ និងកសាងសំណុំរឿង ដើម្បីចាត់ការបន្ត តាមនីតិវិធីច្បាប់ ៕
