បាត់ដំបង ៖ កន្លែងលក់ចាក់ភ្នាល់បាល់២កន្លែងដែលមើលឃើញកណ្តាលវាលសមត្ថកិច្ចមិនបង្ក្រាបសង្ស័យទុកធ្វើឆ្នាំងបាយមានទីតាំងនៅភូមិព្រែកមហាទេពសង្កាត់ស្វាយប៉ោក្រុងបាត់ដំបង។
គួរំលឹកផងដែរ ៖ កាលពីវេលាម៉ោង១២ ថ្ងៃត្រង់ថ្ងៃទី៦ ខែធ្នូ ឆ្នាំ២០១៥ នៅចំណុចក្រុមទី២៦ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង សមត្ថកិច្ចក្រុមបង្ការបង្ក្រាបនៃស្នងការដ្ឋាន នគរបាលខេត្តបាត់ដំបង លោក ជេត វណ្ណនី ស្នងការរងទទួល បន្ទុកផ្នែកព្រហ្មទណ្ឌ លោកឈឿង គឹមសុង នាយក្រុម បង្ការ បង្ក្រាប និងលោក ប៉ង់ ចាន់សុយុទ្ធារា ព្រះរាជ្ញារងអមសាលាដំបូងខេត្តបាត់ដំបង បានចុះប្រតិបត្តិការបង្ក្រាបទីតាំងល្បែងហ្គេមអ៊ីនធឺណែតចំនួន ២ កន្លែង ដែលមានម្ចាស់ផ្ទះឈ្មោះ សយ នី និងឈ្មោះ សូ ផល្លី និងឃាត់ខ្លួនមនុស្ស ចំនួន១២នាក់រួមទាំងវត្ថុតាងទូរហ្គេម៥១ គ្រឿង បញ្ជូនទៅស្នងការដ្ឋាននគរបាលខេត្តបាត់ដំបងដើម្បីចាត់ការបន្តទៅតាមផ្លូវច្បាប់។
សមត្ថកិច្ចបង្ក្រាបទីតាំងហ្គេមខាងលើ ដោយធ្លាប់ធ្វើការអប់រំរហូតដល់ទៅ៣ដង តែមិនព្រមស្តាប់និងចម្ងាយជិតសាលារៀន និងខុសការណែនាំរបស់ក្រសួងប្រៃសនីយ៍ និងទូរគនាគមន៍ ។ ពេលកំពុងបង្ក្រាបមានបុរសវ័យចំណាស់ម្នាក់បើករថយន្តមក និយាយថា កន្លែងទីតាំងខាងលើមានច្បាប់ ដូច្នេះខ្ញុំនឹងថតរូបភាពពួកលោកទាំងអស់ រួមទាំងអ្នកកាសែតផង យកទៅឱ្យសម្តេចមើលថា រួបបុរសខាងលើបានឡើងជិះរថយន្តរបស់ខ្លួនចេញទៅបាត់។
ប្រភពពីប្រជាពលរដ្ឋបានអោយដឹង កាលរសៀលថ្ងៃទី៧ ខែធ្នូ ឆ្នាំ២០១៥ថា សមត្ថកិច្ចបង្ក្រាបទីតាំងល្បែងហ្គេមអ៊ិនធឺណិត ២ កន្លែងកាលរសៀលថ្ងៃទី៦ ខែធ្នូ ឆ្នាំ២០១៥ ក្នុងភូមិព្រែកមហាទេពសង្កាត់ស្វាយប៉ោក្រុងបាត់ដំបងប៉ុន្តែកន្លែងភ្នាល់បាល់២កន្លែងមាន៖ទី១យីហោMasternetមានម្ចាស់ឈ្មោះវ័ន(ថៅកែអ៊ិចវ័ន) ។ ទី២ យីហោ BTB ON LINE ។ មិនបង្ក្រាប គឺមិនស្មើភាព ។
ពាក់ព័ន្ធករណីនេះ លោក ម៉េង លាង នាយការិយាល័យព្រហ្មទ័ណ្ឌកំរិតស្រាល បានអោយដឹងថា ទីតាំងចាក់ភ្នាល់បាល់ និងកន្លែងបទល្មើសផ្សេងៗ រូបលោកមិនដែរបានទទួលប្រយោជន៍អ្វីទេ ។
លោក ឈឿង គឹមសុង ប្រធានក្រុមបង្ការបង្ក្រាបបានអោយដឹងថា រូបលោកក៏មិនបានទទួលសំណូកពីបនល្បែងភ្នាល់បាល់ដែរ តែបើមានបណ្តឹងនិងបទបញ្ជារ ពីលោកស្នងការ រូបលោកនឹងចុះបង្ក្រាបដោយមិនញញើត ។
លោក ជេត វណ្ណនី ស្នងការរងកណ្តាលយុត្តិធម៌ធ្លាប់និយាយថា ពួកបទល្មើសតែងតែយកឈ្មោះសមត្ថកិច្ចទៅបិទទៅលាភដើម្បីងាយរកស៊ី ធាតុពិតមិនមានដូចការលើកឡើងឡើយ ។
លោក ទួត សំណាង ប្រធានក្រុមអន្តរាគមន៍ពិសេសនៃស្នងការរដ្ឋាននគរបាលខេត្តបាត់់ដំបងបានអោយដឹងថា ពិតជាមានសមត្ថកិច្ចដើរយកលុយដាក់ខែតាមល្បែងភ្នាល់បាល់ប្រាកដមែន រូបលោកនឹងរាយការណ៍ជូនលោក ស ថេត ស្នងការពេលគាត់ត្រឡប់មកពីបរទេសវិញ ដើម្បចុះបង្ក្រាបទីតាំងទាំងនោះ៕
ហឿម ចាន់វង្ស
