បាត់ដំបង ៖ ទីតាំងម៉ាស៊ីនអាណារ៉ៃអាឈើ ៣ កន្លែង មានឈ្មោះជីឈ្មោះ អូន និងឈ្មោះ វាំង នៅក្នុងក្រុងបាត់ដំបងបានយកឈ្មោះអ្នកធំ និងអ្នកកាសែតលាភ ដើម្បីអាជីវកម្មរបស់ខ្លួន សមត្ថកិច្ចជំនាញមិនហ៊ានបង្ក្រាប។
ប្រភពបានអោយដឹងថាទីតាំងទី១មានម្ចាស់ឈ្មោះជី (មានកាតអ្នកកាសែត) ស្ថិតនៅក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង។ ទីតាំងទី២មានម្ចាស់ឈ្មោះអូន (យកឈ្មោះមេអាវុធហត្ថមកលាភ) ស្ថិតនៅក្នុងភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង។ ទីតាំងទី៣មានម្ចាស់ឈ្មោះវាំងស្ថិតនៅក្នុងភូមិស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង។
ប្រភពពីប្រជាពលរដ្ឋរស់នៅក្បែររោងសិប្បកម្មអាណារ៉ៃបានអោយដឹងថាការដឹកជញ្ជូនឈើចេញចូលបណ្តាលអោយខូចផ្លូវក្នុងភូមិ ពេលអាឬជ្រៀកឈើលាន់ឮសម្លេងរំខានធ្វើការងារអ្វីមិនចាំស្តាប់គ្នាក៏ពុំឮ រីឯកំទេចអាចម៌ឈើបានហុយបណ្តាលអោយឈ្លក់ផងដែរ ដូច្នេះសូមសមត្ថកិច្ចពាក់ព័ន្ធពិនិត្យបន្ថែមផង។
ប្រភពពីសមត្ថកិច្ចបានអោយដឹងថាឈ្មោះជីនិងឪពុកឈ្មោះសាន់ទើបតែទិញកាតកាសែតនិងទូរទស្សន៍ ចង់មើលងាយសមត្ថកិច្ច ដូច្នេះអស់លោកចាងហ្វាង មេត្តាពិនិតមើលផងមុននឹងចេញប័ណ្ណដល់ភ្នាក់ងារ ។
ពាក់ព័ន្ធករណីនេះ អ្នកយកព័ត៌មានមិនអាចទាក់ទងលោក លី ជូបៀង នាយខ័ណ្ឌរដ្ឋបាលព្រៃឈើបានឡើយ ៕ ហឿមច័ន្ទវង្ស
