ខេត្តបាត់ដំបង ៖ នៅព្រឹកថ្ងៃទី៣ ខែធ្នូ ឆ្នាំ២០១៥គេឃើញមានសមត្ថកិច្ចនគរបាលខេត្ត ក្រុង កម្លាំងកងរាជអាវុធហត្ថ រថយន្តសង្គ្រោះមន្ទីរពេទ្យបង្អែក អ្នកយកពត៌មានក្នុងខេត្ត និងភ្នំពេញជាច្រើននាក់ឈចាំចូលរួមស្តាប់តុលាកាប្រកាសផ្តន្ទាទោសគ្រូពេទ្យយ៉ែមជ្រិនប្រចាំឃុំរកាជាប់ពន្ធនាគារ២៥ឆ្នាំបន្ទាប់ចម្លងមេរោគអេដស៏ដល់អ្នកដ៏ទៃនិងបង្កអោយមនុស្សស្លាប់
គួរបញ្ជាក់ផងដែរ ៖ លោក យ៉ែម ជ្រិន អាយុ៥៦ឆ្នាំជាគ្រូពេទ្យប្រចាំឃុំរកាស្រុកសង្កែបានបម្រើសេវាព្យាបាលជម្ងឺអោយប្រជាពលរដ្ឋចាប់តាំងពីឆ្នាំ១៩៩៦ដល់ថ្ងៃទី៨ ខែធ្នូ ឆ្នាំ២០១៤ បានផ្ទុះមេរោគអេដស៏កើតឡើងលើប្រជាពលរដ្ឋចំនួន១២០នាក់ក្រោយពីធ្វើតេស្តឈាមបន្តបន្ទាប់រកឃើញអ្នកផ្ទុកមេរោគអេដស៏សរុប២៨៨នាក់ លុះមកដល់ខែធ្នូឆ្នាំ២០១៥នេះ អ្នកផ្ទុកមេរោគអេដស៏បានស្លាប់អស់ចំនួន១០នាក់ហើយ ។
ប្រភពពីលោក តូច សុភក្តី អ្នកនាំពាក្យសាលាដំបូងខេត្តបាត់ដំបងបានអោយដឹងថា តាមសំណុំរឿងព្រហ្មទណ្ឌលេខ៧៦៨ ចុះថ្ងៃទី២១ខែធ្នូឆ្នាំ២០១៤ សំណុំរឿងជំនុំជម្រះ លេខ៤៥២ ចុះថ្ងៃទី២១ខែសីហាឆ្នាំ២០១៥ សាលក្រម ព្រហ្មទណ្ឌលេខ៧៥ញ ចុះ ថ្ងៃទី០៣ខែធ្នូឆ្នាំ២០១៥ ចេញដោយ យិច ឈាណាវី ប្រធានក្រុមប្រឹក្សាជំនុំជម្រះ ចោទប្រកាន់លោក យ៉ែម ជ្រិន អាយុ៥៦ឆ្នាំ ជនជាតិខ្មែរពីបទឃាតកម្មដោយឃោរឃៅប្រព្រឹត្តនៅឃុំរកាស្រុកសង្កែកាលអំឡុងឆ្នាំ១៩៩៦ដល់ឆ្នាំ២០១៤តាមបញ្ញត្តិមាត្រា ២០៥នៃក្រមព្រហ្មទណ្ឌ មកជាបទធ្វើទារុណកម្មដែលមានស្ថានទម្ងន់ទោស តាមបញ្ញត្តិមាត្រា ២១៥នៃក្រមព្រហ្មទណ្ឌវិញ។
លោក យ៉ែម ជ្រិន ត្រូវបានកាត់ទោសក្នុងបទចោទប្រកាន់ បីបទល្មើស រួមមាន បើកកន្លែងព្យាបាលជម្ងឺគ្មានការអនុញាតពីក្រសួងសុខាភិបាល បង្កឲ្យឆ្លងមានការរីករាលដាលនៃមេរោគអេដស៍ និងធ្វើទារុណកម្មបណ្តាលឲ្យជនរងគ្រោះស្លាប់។
លោកយ៉ែមជ្រិន បញ្ឈប់មិនឲ្យប្រកបវិជ្ជាជីវៈក្នុងវិស័យវេជ្ជសាស្ត្រអមវេជ្ជសាស្ត្រនិងជំនួយ វេជ្ជសាស្ត្រតាមមាត្រា១៨និងមាត្រា៥០នៃច្បាប់ស្តីពីការបង្ការនិងប្រយុទ្ធទប់ស្កាត់ការរីករាលដាលនៃមេរោគអេដស៏។រាល់វត្ថុតាងដែលដកហូតពីលោកយ៉ែមជ្រិនត្រូវបានដុតបំផ្លាញចោលទាំងអស់។
លោកយ៉ែមជ្រិនត្រូវផ្តន្ទាទោសដាក់ពន្ធនាគារ២៥ឆ្នាំពិន៍យជាប្រាក់៥លានរៀចូលថវិការរដ្ឋនិងសងជំងឺចិត្តដល់ជនរងគ្រោះ សរុបចំនួន ១០៧ នាក់ នូវទឹកប្រាក់ពី ៥ម៉ឺនរៀល ទៅ ១២ លានរៀល៕
តុលាការប្រកាសផ្តន្ទាទោសគ្រូពេទ្យ យ៉ែម ជ្រិន ប្រចាំឃុំរកាជាប់ពន្ធនាគារ២៥ឆ្នាំ បន្ទាប់ពីចម្លងមេរោគអេដស៏ដល់អ្នកដ៏ទៃនិងបង្កអោយមនុស្សស្លាប់
