ក្រុងប៉ោយប៉ែត ៖ ឯកឧត្តម អ៊ួន សុង អនុរដ្ឋលេខាធិការក្រសួងសាធារណៈការ និងដឹកជញ្ជូននិងភាគីថៃ Mrs Soithip Thissuddhi អគ្គលេខាធិការអចិន្រៃ្តយ៍ក្រសួងដឹកជញ្ជូនបានបើកសម្ពោធការដ្ឋានសាងសង់ស្ពានដែកមានប្រវែង៤៥ម៉ែត្រដែលនៅច្រកទ្វារអន្តរជាតិប៉ោយប៉ែត ឈមនិងច្រកទ្វារអន្តរជាតិខ្លងលឹកស្រុកអារញ្ញដើម្បីអោយ ប្រជាពលរដ្ឋទាំងសងខាងធ្វើដំណើរនិងការដឹកជញ្ជូនងាយស្រួល ក្រោមហិរញ្ញប្បទានពីរាជរដ្ឋាភិបាលថៃ។វត្តមានអញ្ជើញចូលរួមជាកិត្តិយសមានលោក គោ ស៊ុំសារឿត អភិបាលខេត្តបន្ទាយមានជ័យ និងមន្ត្រីគ្រប់ស្ថាប័ន និង ភាគីថៃ លោក ឃូសាក់ ទ្រីសាន អភិបាលរងខេត្តស្រះកែវ និងមន្ត្រីគ្រប់ស្ថាប័ន រួមទាំងប្រជាពលរដ្ឋផងដែរ។
លោក គោ ស៊ុមសារឿត អភិបាលខេត្តបន្ទាយមានជ័យ បានថ្លែងនៅព្រឹកថ្ងៃទី២៥ខែកក្កដាឆ្នាំ២០១៤ថាស្ពានផ្លូវដែកដែលនឹងត្រូវបើក ការដ្ឋាន មានប្រវែង ៤៥ម៉ែត្រ ជំនួសស្ពានដែកចាស់ទ្រុឌទ្រោម ដែលបន្សល់សម័យបារាំង ស្ថាបនាក្នុងអំឡុង ឆ្នាំ១៩៣៣-១៩៤២ លោកបានបញ្ជាក់ផងដែរថា ស្ពានដែក ប្រភេទស្ពានដែកT អាចផ្ទុកបាន ២០តោន ប្រើដែករ៉ៃ ១០០Bs សាងសង់ដោយ ក្រុមហ៊ុន ឈ្មោះItalian-Thai Development PCL និងអគ្គនាយកដ្ឋានផ្លូវដែក រាជរដ្ឋាភិបាលថៃដោយចំណាយទឹកប្រាក់ ២៩លានបាត ជាហិរញ្ញប្បទានរាជរដ្ឋាភិបាលថៃ។
ក្នុងនោះដែរឯកឧត្តម អ៊ួន សុង អនុរដ្ឋលេខាធិការក្រសួងសាធារណៈការ និងដឹកជញ្ជូន បានថ្លែងថា ស្ពានផ្លូវដែកប្រវែង៤៥ ម៉ែត្រ ដែននឹងកំពុងដំណើរការបើកការដ្ឋាន នេះ គឺមានសភាពទ្រុធទ្រោម ស្ពាននេះស្ថាបនា នៅកំឡុងចន្លោះឆ្នាំ១៩៣៣-១៩៤២ប្រភេទស្ពានដែកT2 ប្រវែង17,60ម៉ែត្រ ខាងកម្ពុជា ទម្ងន់ផ្ទុក១៥ តោងAxload ប្រើដែករ៉ៃ ៣០គីឡូម៉ែត្រពីប៉ោយប៉ែត ទៅភ្នំពេញ កាលពីមុន។
ឯកឧត្តម អ៊ួន សុងបានថ្លែងបន្តថា ផ្លូវដែករយន្តភ្លើងនេះត្រូវបានរាជរដ្ឋាភិបាលថៃ ផ្តល់ហិរញ្ញប្បទានទាំងស្រុង ផ្លូវដែកនេះអាចជួយជម្រួញដល់សេដ្ឋកិច្ច ផ្តល់វិស័យពាណិជ្ជកម្មការកក់ស្ទះ និងល់ការដឹកជញ្ជូនកសិផល កសិឧស្សាហកម្ម ពាណិជ្ជកម្ម វិស័យទេសចរណ៍ ជាពិសេសរួមចំណែក ជំរុញល្បឿននៃការអភិវឌ្ឍន៍ជាតិ និងកាត់បន្ថយភាពក្រីក្រ ទុក្ខលំបាក របស់ប្រជាពលរដ្ឋ ។
បន្ទាប់មកភាគីទាំងពីរបានទៅចាក់បេតុងរួមគ្នា និងបានថតរូបអនុស្សារិយ៍ជាមួយគ្នាផងដែរ ៕
