បាត់ដំបង ៖ ក្មេងប្រុសស្ទាវចំនួន៥នាក់ ដែលជាមុខសញ្ញាគាស់ផ្ទះសកម្មយកទ្រព្យសម្បត្តិប្រជាពលរដ្ឋក្រុងបាត់ដំបង ត្រូវក្រុមនគរបាលបង្ការបង្ក្រាបឃាត់ខ្លួន កាលពីវេលាម៉ោង១០និង៤០នាទីព្រឹកថ្ងៃទី២៤ ខែវិច្ឆិកា ឆ្នាំ២០១៥នៅចំណុចផ្ទះមាត់ប្រឡាយមួយ ស្ថិតក្នុងភូមិវត្តលៀប សង្កាត់ចំការសំរោង ក្រុងបាត់ដំបង។
លោក ឈឿង គឹមសុង មេក្រុមបង្ការបង្ក្រាបនៃស្នងការ ដ្ឋាននគរបាលខេត្តបាត់ដំបង បានប្រាប់អោយដឹងថាយុវជន សង្ស័យទី១មានឈ្មោះប្រម ឯកវចនៈអាយុ១៦ឆ្នាំ រស់នៅភូមិ២០ឧសភា សង្កាត់ស្វាយប៉ោ ក្រុងបាត់ដំបង។ ទី២ឈ្មោះវ៉ាន់ រស្មីអាយុ១៥ឆ្នាំរស់នៅភូមិ វត្តរំដួល សង្កាត់ចំការសំរោង ក្រុងបាត់ដំបង ។ ទី៣ ឈ្មោះ ណាប ប៊ុននី អាយុ១៥ឆ្នាំរស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង។ ទី៤ឈ្មោះ ឃុត រស្មី អាយុ១៧ឆ្នាំរស់នៅភូមិវត្តលៀប សង្កាត់ចំការសំរោង ក្រុងបាត់ដំបង។ទី៥ឈ្មោះបានគឹមហេង អាយុ១៣ឆ្នាំរស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង។ នៅចំពោះមុខសមត្ថកិច្ចយុវជនទាំង៥នាក់បានសារភាពថាពួកគេពិតជាបានធ្វើសកម្មភាពដើរលួចគាស់ផ្ទះអ្នកស្រុកយកទ្រព្យសម្បត្តិពិតប្រាកដមែន។
យោងតាមប្រភពនិងចម្លើយសារភាពពីជនសង្ស័យ ទាំង៥នាក់រួចមក បច្ចុប្បន្នជនសង្ស័យទាំង៥នាក់ត្រូវបានកម្លាំងជំនាញការិយាល័យនគរបាលព្រហ្មទណ្ទកំរិតស្រាលនៃស្នងការខេត្តកំពុងរៀបចំសំណុំរឿង បញ្ជូនទៅតុលាកានៅព្រឹកថ្ងៃទី២៥ខែវិច្ឆិកាដើម្បីចាត់ការបន្ត ទៅតាមផ្លូវច្បាប់៕
