បាត់ដំបង ៖ បុរស ៥ នាក់ស៊ីឈ្នួលបាញ់ថ្នាំស្មៅ ពេលសំរាកពីការងារនាំគ្នាផឹកស្រាសយកច្រឡំដបថ្នាំបាញ់ស្មៅចាក់ផឹក បណ្តាលអោយពុលរបួសធ្ងន់២នាក់និងស្រាល ៣ នាក់ ត្រូវមិត្តភ័ក្តនាំយកទៅសង្គ្រោះនៅមន្ទីរពេទ្យស្រុក កាលពីម៉ោង៧និង៣០នាទី យប់ថ្ងៃទី១២ខែវិច្ឆិកាឆ្នាំ២០០១៤នៅចំនុចTV24502 64200ភូមិអូរតាសុខឃុំពេជ្រចិន្តាស្រុកភ្នំព្រឹក។
សមត្ថកិច្ចអាវុធហត្ថស្រុកភ្នំព្រឹកបានអោយដឹងថាករណីពុលថ្នាំបាញ់សំលាប់ស្មៅកើតឡើងលើកម្មករចំនួន5នាក់មាន៖
1/ឈ្មោៈ សី ទកអាយុ២៩ឆ្នាំមុខរបរកម្មករ(ស្រាល)
2/ឈ្មោៈសុំ សៅអាយុ២៨ឆ្នាំមុខរបរកម្មករ(ធ្ងន់)
3/ឈ្មោៈកង ថាអាយុ៣០ឆ្នាំមុខរបរកម្មករ(ស្រាល)
4/ឈ្មោៈម៉េង ហេងអាយុ៣៨ឆ្នាំមុខរបរកម្មករ(ស្រាល)
5/ឈ្មោៈសួនធូអាយុ២៨ឆ្នាំមុខរបរកម្មករ(ធ្ងន់)ទាំង០៥នាក់រស់នៅភូមិអូរឃុំពេជ្រចិន្តាស្រុកភ្នំព្រឹកខេត្តបាត់ដំបង។
ប្រភពបានបញ្ជាក់ថាមូលហេតុពុលបាញ់ថ្នាំស្មៅដោយកម្មករសំរាកពីការងារនាំគ្នាផឹកស្រាសហើយមានដបដាក់ថ្នាំបាញ់ស្មៅនិងដបស្រាសនៅក្បែរគ្នាទើបពួកគេច្រឡំយកមកចាក់ផឹកទើបបណ្តាយឲពុលតែម្តង។
បច្ចុប្បន្នជនរងគ្រោះទាំង៥នាក់ត្រូវបានមិត្តភ័ក្តិនិងក្រុមគ្រួសារបញ្ជួនមកព្យាបាលនៅពេទ្យឯកជនស្រុកភ្នំព្រឹក ៕
