ខេត្តបន្ទាយមានជ័យ.៖ ប្រជាពលរដ្ឋចំនួន១៤គ្រួសារ រស់នៅលើទំនប់ក៥ ក្រុងប៉ោយប៉ែតគ្មានភ្លើងអគ្គីសនីប្រើប្រាស់ ប្រើភ្លើងទានដោយក្រុមហ៊ុន អាន កូអគ្គីសនីផ្តាច់ចរន្តជីត១ខែមកហើយដូច្នេះ សូមអោយក្រុមហ៊ុន អាន កូនិងអាជ្ញាធរក្រុងប៉ោយប៉ែត ផ្គត់ផ្គង់ចរន្តអគ្គីសនីឲ្យពួកគាត់បានប្រើប្រាស់ឡើងវិញនៅរសៀលថ្ងៃទី១២ខែវិច្ឆិកាឆ្នាំ២០១៥
ប្រជាពលរដ្ឋចំនួន១៤ គ្រួសារដែលរស់នៅលើទំនប់ក៥ ជាប់របងកាស៊ីណូផ្កាយ៥ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានត្អូញត្អែរថាគ្មានភ្លើងប្រើប្រាស់ខណៈពេលដែលក្រុមហ៊ុនបានផ្តាច់ចរន្តអគ្គីសនី ក្រុមហ៊ុនបានកាត់ផ្តាច់ចរន្តអគ្គីសនីបញ្ឈប់ឲ្យប្រជាពលរដ្ឋក្នុងភូមិនេះប្រើប្រាស់ជាងមួយខែមកហើយដោយមិនដឹងមូលហេតុ ក្រោយពីក្រុមហ៊ុនបានផ្តាច់ចរន្ត ប្រជាពលរដ្ឋពិតជាមានការលំបាកខ្លាំងណាស់ ព្រោះគ្មានភ្លើងបំភ្លឺនិងប្រើប្រាស់ ម្យ៉ាងវិញទៀតតាំងពីក្រុមហ៊ុន បានផ្តាច់ចរន្ត ពួកគាត់បានដុតទាន ដែលការដុតទាននេះ វាបានប្រឈមទៅនឹងហានិភ័យយ៉ាងច្រើនពិសេសអាចប្រឈមនិងគ្រោះអគ្គីសភ័យផងដែរ ប្រជាពលរដ្ឋសំណូមឲ្យក្រុមហ៊ុន អាន កូ ដែលផ្គត់ផ្គង់ចរន្តអគ្គីសនី ព្រមទាំងអាជ្ញាធរក្រុងប៉ោយប៉ែតសូមជួយផ្តល់ចរន្តអគ្គីសនី ដល់ពួកគាត់ឡើងវិញដើម្បីឲ្យពួកគាត់បានប្រើប្រាស់ដូចធម្មតាផង ៕
