ខេត្តបន្ទាយមានជ័យ៖ លោកយក់ង៉ុយរដ្ឋលេខាធិការក្រសួងអប់រំប្រគល់សញ្ញាបត្រដល់និស្សិតចំនួន១១២៥នាក់បានប្រឡងជាប់ កម្រិតបរិញ្ញាបត្ររង បរិញ្ញាបត្រ និងកម្រិតបរិញ្ញាបត្រជាន់ខ្ពស់ ឆ្នាំសិក្សា២០១៥នៅសាកលវិទ្យាល័យបៀលប្រាយ ខេត្តបន្ទាយមានជ័យ ព្រឹកថ្ងៃទី១១ខែវិច្ឆិកាឆ្នាំ២០១៥ ស្ថិកក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោក យក់ ង៉ុយ បានមានប្រសាសន៍ថា និស្សិតទាំង១១២៥នាក់ដែលបានទទួលសញ្ញាបត្រនោះមានកម្រិតបរិញ្ញាបត្ររងជំនាន់ទី៥ ទី៦ ទី៧និងទី៨ កម្រិតបរិញ្ញាបត្រជំនាន់ទី២ទី៣ ទី៤ ទី៥ និងទី៦ និងកម្រិតបរិញ្ញាបត្រជាន់ខ្ពស់ជំនាន់ទី៥ សរុបមានចំនួន១១២៥នាក់ស្រី៤៥៧នាក់ ។
លោក យក់ ង៉ុយ បាននិយាយបន្តទៀតថា គិតមកដល់ឆ្នាំសិក្សា២០១៥នេះ សាកលវិទ្យាល័យបៀលប្រាយ បានធ្វើការបណ្តុះបណ្តាលដល់និស្សតសរុប២៥៥១នាក់ ស្រី៩៧៥នាក់ ក្នុងនោះនិស្សិតកំពុងសិក្សាគ្រប់ករិតមាន១៣៨១នាក់ ស្រី៥២៩សព្វថ្ងៃនេះ សាកលវិទ្យាល័យបៀលប្រាយមានគណៈគ្រប់គ្រង បុគ្គលឹក និងសាស្ត្រាចា្យ សាខាខេត្តកណ្តាល ភ្នំពេញ និងសាខាតាមខេត្តទាំង ៧ មានសរុបចំនួន១៣៩០ ។
លោក យក់ ង៉ុយ បាននិយាយបន្តទៀតថា ឆ្លងកាត់អស់រយៈពេល១៥ឆ្នាំកន្លងមកហើយ សកលវិទ្យាល័យបៀលប្រាយបានកំពុងបណ្តុះបណ្តាល និងមានការអភិវឌ្ឈន៍ធនធានមនុស្សស្របតាមចក្ខុវិស័យនិងផែនការយុត្តិសាស្ត្ររបស់ខ្លួនព្រមទាំងគោលនយោបាយនៃផែនកាតយុទ្ធសាស្ត្រវិស័យអប់រំរបស់ក្រសួងយុវជននិងកីឡាជាពិសេសការធានាលទ្ធភាពទទួលបាននូវសេវាអប់រំប្រកបដោយគុណភាពនិងសីលធម៍ដោយបានពង្រីកវិសាលភាពនៃការផ្តល់សេវាសិក្សាអប់រំកម្រិតបរិញ្ញាបត្រនិងក្រោយបរិញ្ញាបត្រលើវិស័យជំនាញច្រើនរួមមាន វិស័យវិទ្យាសាស្ត្រ និតិសាស្ត្រនិងវិទ្យាសាស្ត្រសង្គម សល្បះ មនុស្សសាស្ត្រ និងភាសា វិស្វកម្មនិងស្ថាបត្យកម្ម គ្រប់គ្រងធុរកិច្ច ទេសចរណ៍ និងបដិសណ្ឋារកិច្ច និងវិទ្យាសាស្ត្រសេដ្ឋកិច្ចនិងកសិកម្មជាដើមរហូតដល់ឆ្ងាយដាច់ស្រយាល ៕
