ខេត្តកោះកុង៖ ក្រឡាប់រថយន្តប្រភេទ៥តោនដឹកកម្មករ និង គ្រឿងសំណង់ បណ្តាលអោយស្លាប់ ២ នាក់និង របួស ១៦នាក់ សង្ស័យរថយន្តដាច់ហ្វ្រាំង នៅម៉ោងប្រហែល ១១និង៣០នាទី ថ្ងៃទី៩ ខែវិច្ឆិកា ឆ្នាំ២០១៥នេះ នៅលើផ្លូវលេខ៤៨ នៅចំណុចជ្រោះតាតៃ ក្នុងខេត្តកោះកុង។ ភ្លាមៗនោះគេឃើញសមត្ថកិច្ចចម្រុះ បានចុះមកអន្តរាគមន៍ ដោយហៅរថយន្តសង្គ្រោះដឹកជនរងគ្រោះ យកទៅសង្គ្រោះបន្ទាន់ នៅមន្ទីរពេទ្យបង្អែកខេត្តកោះកុងផងដែរ។
បើតាមសម្តីរបស់សមត្ថកិច្ចមូលដ្ឋាន ពីកន្លែងកើតហេតុបាន ឱ្យដឹងថាចំនួនអ្នកស្លាប់ក្នុង គ្រោះថ្នាក់ចរាចរ នៅជ្រោះតាតៃ មានមនុស្សស្លាប់តែ២ប៉ុណ្ណោះ និង១៦នាក់បានរងរបួស។
ប្រភពបានអោយដឹងថារថយន្តប្រភេទ៥តោន ដឹកកម្មករ១៨នាក់ និង គ្រឿងសំណង់ ធ្វើដំណើរពីស្រែអំបិល ទៅខេត្តកោះកុង ហើយបានដាច់ហ្វ្រាំងបណ្តាលឲ្យរថយន្តក្រឡាប់ កិនមនុស្សស្លាប់ និងរបួសតែម្ដង។
ចំពោះករណីខាងលើនេះ គេមិនទាន់ច្បាស់ថា បណ្តាលមកពីអ្វីនោះទេ ប៉ុន្តែបើតាមប្រភពរបស់អ្នក ឃើញហេតុការណ៍ ក្រោយកើតហេតុនោះបាននិយាយរថយន្តបានដាច់ហ្វ្រាំង៕
