បាត់ដំបង៖ លោក ឆាយ ម៉ាទីណាល់ អភិបាលរងខេត្តបាត់ដំបងទប់ស្កាត់ដោះស្រាយ ប្រជាពលរដ្ឋប្រហែល៣០០នាក់ មកពីស្រុករុក្ខគិរីពាក់ព័ន្ធបញ្ហាដីធ្លី មិនអោយមានបាតុកម្មកើតឡើង កាលពីម៉ោង១១ព្រឹកថ្ងៃទី៥ ខែវិច្ឆកា ឆ្នាំ២០១៥ នៅរង្វង់មូលព្រាបស ក្នុងភូមិច្រាបវាល ឃុំអន្លង់វិល ស្រុកសង្កែ ខេត្តបាត់ដំបង ។
ប្រជាពលរដ្ឋបានអោយដឹងថានៅថ្ងៃទី៥ខែវិច្ឆកាឆ្នាំ២០១៥ប្រជាពលរដ្ឋ១ពាន់បានរៀបចំឡើងមកខេត្តបាត់ដំបងដើម្បីតវ៉ា តែត្រូវអាជ្ញាធរស្រុកទប់ស្កាត់មកបានប្រហែ៣០០នាក់ ។ ដីព្រៃសហគមន៍កាលឆ្នាំ២០០៧មានចំនួន៣៧៧៩ហិកតា នៅឆ្នាំ២០១០បង្កើតស្រុករុក្ខគិរីដីព្រៃសហគមន៍នៅសល់់១៣៣២ហិកតា ហើយត្រូវសហគមន៍ អភិរក្ស មេព្រៃ ឃុំ ស្រុកកាប់បែងចែកធ្វើកម្មសិទ្ធផ្ទាល់ខ្លួន អ្នកខ្លះកាប់យកដីលក់ក៏មាន សព្វថ្ងៃដីព្រៃសហគមន៍សល់ប្រហែលជាង៦០០ហិកតា ។ ដោយឃើញទង្វើបែបនេះ ប្រជាពលរដ្ឋនាំគ្នាកាប់ដីព្រៃបន្ថែម បានប្រហែល២០ហិកតា ចំណែកមន្ត្រីជំនាញពាក់ព័ន្ធចេះតែកាក់សួរនិងហាមប្រាណ ចុះអស់លោកកាប់ស្ទើរអស់ហើយគិតយ៉ាងណា ។ ក្រោយការកាប់រួច ប្រជាពលរដ្ឋស្នើសុំអាជ្ញាធរស្រុកធ្វើការកាន់កាប់ និងដើម្បីបែងចែកគ្នា ទោះបានក្នុង១គ្រួសារ២០ឬ៣០ម៉ែត្រក៏ព្រម តែអាជ្ញាធរស្រុករុក្ខគិរីមិនព្រម ទើបសម្រេចចិត្តឡើងមកប្តឹងតែម្តង សុំអោយអជ្ញាធរខេត្តរឹបអូសដីពីមន្ត្រីពាក់ព័ន្ធ ដែលកាប់ព្រៃសហគមន៍យកមកវិញអោយគ្រប់៣៧៧៩ហិកតាទុកជារបស់រួមដូចដើម
ពាក់ព័ន្ធករណីនេះ លោក ឆាយ ម៉ាទីណាល់ អភិបាលរងខេត្តបាត់ដំបងបានអោយដឹងថា រូបលោកទទួលបណ្តឹងនិងការស្នើររបស់ប្រជាពលរដ្ឋទុកដើម្បីយកប្រគល់ជូនលោកអភិបាលខេត្តធ្វើការដោះស្រាយ សុំអោយបងប្អូនត្រឡប់ទៅផ្ទះវិញ និងផ្អាកការកាប់ព្រៃសហគមន៍តទៅទៀត រង់ចាំខាងសាលាខេត្តចុះដោះស្រាយ ៕
