បន្ទាយមានជ័យ ៖ ក្រឡាប់រថយន្តម៉ាកវីហ្គោមួយបាំងកន្លះពេលបើកធ្វើដំណើរក្នុងប្រទេសថៃ បម្រុងចូលមកទឹកដីកម្ពុជាវិញផ្ទុះកង់ម្ខាងក្រឡាប់ចូលស្នាមភ្លោះបណ្តាលអោយពលករខ្មែរ៤នាក់ស្លាប់និង១៩នាក់រងរបួសស្រាលធ្ងន់ ចំណែកអ្នកបើកបរជនជាតិថៃបានរត់គេចខ្លួនបាត់ស្រមោល កាលពីថ្ងៃទី១ ខែវិច្ឆិកា ឆ្នាំ២០១៥ នៅក្នុងមូលដ្ឋានឃុំវាំងខាឆាង ស្រុកកាប៊ីនបូរី ខេត្តប្រាជៀនបូរី ប្រទេសថៃ ឈមនិងខេត្តបាត់ដំបងប្រទេសកម្ពុជា។
តាមការអោយដឹងពីសមត្ថកិច្ចព្រំដែនគោក បានអោយដឹងថា រថយន្តដែលក្រឡាប់បង្ករអោយមានអ្នកស្លាប់ ម៉ាកវីហ្គោមួយបាំងកន្លះ ដឹកពលករខ្មែរចំនួន២៣នាក់ ជួលជិះដើម្បីត្រឡប់មកកម្ពុជាវិញ ។ ពលករខ្មែរ៤នាក់ស្លាប់និង១៩នាក់រងរបួសស្រាលធ្ងន់មិនទានស្គាល់អត្តសញ្ញាណនៅឡើយ។
ប្រភពបានបន្តថា រថយន្តនោះបើកបរដោយជនជាតិថៃ លុះដល់ចំនុចកើតហេតុខាងលើក៏បានផ្ទុះកង់ម្ខាងក្រឡាប់ចូលស្នាមភ្លោះបណ្តាលអោយពលករខ្មែរស្លាប់និងរបួសជាច្រើននាក់ តែម្តង ។
ក្រោយកើតហេតុ សមត្ថកិច្ចថៃបាននាំយកសព និងជនរងគ្រោះ ទៅរក្សាទុក និងព្យាបាលនៅក្នុងមន្ទីរពេទ្យប្រទេសថៃហើយរង់ចាំការបញ្ជូនត្រឡប់មកទឹកដីកម្ពុជាវិញតាមស្រុកកំណើតរៀងៗខ្លួន ៕
