ប៉ៃលិន ៖ លោក សំ សាវឿន ពីមុនជាអនុប្រធានមន្ទីរធម្មការ និងសាសនា ខេត្តប៉ៃលិន ត្រូវបានប្រកាសតែងតាំងជាប្រធានមន្ទីរធម្មការ និងសាសនា ខេត្តប៉ៃលិន ។
ពិធីនេះត្រូវបានធ្វើឡើងកាលពីព្រឹកថ្ងៃទី២២ខែកក្កដាឆ្នាំ២០១៤នៅសាលប្រជុំសាលាខេត្តប៉ៃលិនក្រោមអធិបតីភាពលោក មិន ឃិន រដ្ឋមន្ត្រីក្រសួងធម្មការ និងសាសន លោកកើត សុធាអភិបាលខេត្តប៉ៃលិនព្រមទាំង ប្រតិភូអបដំណើរ ព្រះសង្ឃ ទាំងគណៈនិងមន្ត្រីរាជការស្ថាប័នចំណុះក្នុងខេត្តប៉ៃលិនជាច្រើនរយនាក់ចូលរួមផងដែរ។
លោក ញ៉ែម វ៉ាលី អនុរដ្ឋលេខាធិការកក្រសួងធម្មការនឹងសាសនា បានអានប្រកាស លេខ ១០៥ ក.ធ.ស.ប្រក ចុះថ្ងៃទី២៩ ខែឧសភា ឆ្នាំ ២០១៤ របស់ ក្រសួងធម្មការនឹង សាសនា សម្រេចតែងតាំងលោក សំ សាវឿន ជាប្រធានមន្ទីរធម្មការនឹងសាសនា ខេត្តប៉ៃលិន ជំនួសលោក សំ អ៊ុងពៅ ដែលត្រូវចូលនិវត្ត និងតែងតាំងថ្នាក់ដឹកនាំសមាគម អាចារ្យខ្មែរខេត្តប៉ៃលិនចំនួន ១៦ រូប ។
លោក សំ សាវឿន ត្រូវបានប្រកាសតែងតាំងជាប្រធានមន្ទីរធម្មការ និងសាសន ខេត្តប៉ៃលិនបានធ្វើការគោរពឲ្យបានខ្ជាប់ខ្ជួនតាមរដ្ឋធម្មនុញ្ញដែលជាច្បាប់កំពូលរបស់ជាតិ ខិតខំអនុវត្តឲ្យបានល្អនូវតួនាទី និងភារកិច្ចរបស់ខ្លួនដែលបានកំណត់ ពង្រឹងវិស័យការងារ រក្សាសាមគ្តីផ្ទៃក្នុង និងសហការល្អជាមួយអង្គភាពពាក់ព័ន្ធទាំងអស់ក្នុងខេត្ត ។
លោកកើតសុធាអភិបាលខេត្តប៉ៃលិនបានមានប្រសាសន៏ថានៅខេត្តប៉ៃលិនមានវត្តចំនួន ២៩ វត្តមានព្រះសង្ឃចំនួន ២៨៦ អង្គ(ភិក្ខុចំនួន ៨៩ អង្គ សាមណេរ ចំនួន ១៩៧ អង្គ )ដែលស្ថិតក្រោមការគ្រប់គ្រងរបស់មន្ទីរធម្មការនិងសាសនា។
លោកបានបន្តថាការរៀបចំពិធីប្រកាសចូល កាន់តំណែងប្រធានមន្ទីរធម្មការ និងសាសនា ខេត្តប៉ៃលិននាថ្ងៃនេះគឺដើម្បីដឹកនាំ និងអនុវត្តការងារផ្នែកព្រះពុទ្ធសាសនា ក្នុងខេត្តប៉ៃលិនឲ្យបានរីកចម្រើនកាន់តែប្រសើរឡើង ។
លោក មិន ឃិន រដ្ឋមន្ត្រីក្រសួងធម្មការ និងសាសនា មាន ប្រសាសន៍ថា ប្រធានមន្ទីរដែលទើបនឹងតែងតាំងថ្មីត្រូវខិតខំបំពេញតួនាទីភារកិច្ចរបស់ខ្លួនរក្សាសាមគ្គីផ្ទៃក្នុងនិងត្រូវមានសហការល្អជាមួយមន្ទីរអង្គភាពព័ន្ធដើម្បីឲ្យការអនុវត្តការងារទទួលបាននូវជោគជ័យ ។
លោកក៏បានធ្វើការណែនាំដល់ថ្នាក់ដឹកនាំសមាគមអាចារ្យខ្មែរខេត្តប៉ៃលិនដែលបានប្រកាសតែងតាំងជាមួយគ្នានេះគឺត្រូវអនុវត្តតួនាទី និងភារកិច្ចរបស់ខ្លួន ប្រកបដោយក្រម សីលធម៌ ដើម្បីការពារវប្បធម៌ ប្រពៃណីជាតិឲ្យបានល្អ ៕
