ខេត្តបន្ទាយមានជ័យ ៖ លោកឧត្តមសេនីយ៍ សុខ ផល អគ្គនាយកដ្ឋានអន្តោប្រវេសន៍កម្ពុជាជួប អគ្គនាយកដ្ឋានអន្តោប្រវេសន៍ថៃដើម្បីពង្រឹងការទំនាក់ទំនងនៃប្រទេសទាំង២ធ្វើការត្រួតពិនិត្យពាក់ព័ន្ធការឯកសារក្លែងក្លាយពលករឆ្លងដែនខុសច្បាប់ និងទប់ស្កាត់ភេរវកម្ម ផ្សេងៗទៀតកាលពីថ្ងៃទី២០ខែតុលាឆ្នាំ២០១៥។
នៅក្នុងការជំនួបរវាង នាយកឧត្តសេនីយ៏ សុខ ផល អគ្គនាយកដ្ឋានអន្តោប្រវេសន៏នឹងលោកឧត្តមសេនីយ៏ ណាត់ថនផ្រោះសុថន អគ្គនាយកដ្ឋានអន្តោប្រវេសន៍ថៃ ដែលទើបឡើងកាន់តំណែងថ្មីនោះ គេសង្កេតឃើញវត្តមានលោកអភិបាលខេត្តបន្ទាយមានជ័យ លោក គោ ស៊ុំសារឿត លោកស្នងការ ខេត្តព្រមទាំងសមត្ថកិច្ចជាច្រើននាក់ ទាំងភាគីកម្ពុជា ទាំងភាគីថៃ ។
នាយកឧត្តមសេនីយ៍សុខ ផលបានមានប្រសាសន៍ថា ដោយសារកាសហការគ្នាបានល្អនេះមានការចំណេញទាំងភាគីកម្ពុជា ទាំងភាគីថៃក្នុងការទប់ស្កាត់បទល្មើសផ្សេងៗ ដូចជាអន្តោប្រវេសន៍ខុសច្បាប់ អំពើរភេរវកម្មឆ្លងដែន ការជួញដូរចែកចាយគ្រឿងញៀន ហើយថ្មីៗកន្លងមក យើងបាន សហការគ្នា ឃាត់ខ្លួនបានមុខសញ្ញាបំផ្ទុះគ្រាប់បែកអត្តឃាតនៅទីក្រុងបាងកកប្រទេសថៃទទួលលទ្ធផលជោគជ័យផងដែរ៕
