ឧត្តរមានជ័យ ៖ កម្លាំងនគរបាលក្រុងសំរោង ឃាត់សាហាយស្មាន់១គូ នៅផ្ទះសំណាក់ លី ហុង បន្ទាប់ពីទទួលពាក្យបណ្តឹងពីបុរសរងគ្រោះជាប្តី កាលពីវេលាម៉ោង៩និង១០នាទីយប់ ថ្ងៃទី១៣ ខែតុលា ឆ្នាំ២០១៥ ក្នុងភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ និងកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្តទៅតុលាកា។
សមត្ថកិច្ចនគរបាលលបានឲ្យដឹងថា ស្ត្រីម្នាក់បានផិតប្ដី ឈ្មោះ ឈិន ដាវិន អាយុ២៧ឆ្នាំ មានកូន៣នាក់ រស់នៅភូមិអូរពក សង្កាត់កូនក្រៀល ក្រុងសំរោង ខេត្តឧត្តរមានជ័យ ។ ហើយបុរសសង្ស័យដែលលួចដេកជាមួយប្រពន្ធគេនោះមានឈ្មោះ អាត ដឿន អាយុ៣៣ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ។
សមត្ថកិច្ចនគរបាលបានបន្តថា ការចាប់ឃាត់ខ្លួនជនសង្ស័យទាំង២នាក់តាមបណ្តឹងប្តីដើមធ្វើការតាមដានជាច្រើនលើក អំពើផិតក្បត់បំពានមាត្រា៧ច្បាប់ឯកពន្ធនភាព ទោសបញ្ញត្តិពី១ខែដល់១ឆ្នាំ ពិន័យជាប្រាក់ពី២០ម៉ឺនដល់១លានរៀល ៕
