ក្រុងប៉ោយប៉ែត ៖ ស្ត្រីម្នាក់អង្គុយហូបគុយទាវ ត្រូវស្ត្រី២នាក់មិនស្គាល់មុខជះទឹកអាស៊ីតបណ្តាលអោយរងរបួសធ្ងន់ហើយគេចខ្លួនបាត់សង្ស័យមានស្នេហាត្រីកោណវេលាម៉ោង៣រសៀលថ្ងៃទី២១ ខែកក្កដា ឆ្នាំ២០១៤នៅផ្សាអគ្គថ្មី ស្ថិតក្នុង សង្កាត់-ក្រុងប៉ោយប៉ែត ខេត្ដបន្ទាយមានជ័យ ។
លោកវរសេនីយ៍ត្រី អ៊ុំ សុផលអធិការដ្ឋាននគរបាលក្រុងប៉ោយប៉ែត បានឱ្យដឹងថា ស្ដ្រីរងគ្រោះដែលត្រូវគេជះទឹកអាស៊ីត មានឈ្មោះតាំង មួយជូ អាយុ ៣០ឆ្នាំរបួសធ្ងន់ មានមុខរបរលក់ផ្លែឈើ រស់នៅភូមិព្រៃគប់ សង្កាត់ផ្សារកណ្ដាល ក្រុងប៉ោយប៉ែត ខេត្ដបន្ទាយមានជ័យ ។
នៅកន្លែងកើតហេតុគេបាននិយាយ ថា នៅមុនពេលកើតហេតុគេបានឃើញ នារីរងគ្រោះមកអង្គុយហូបគុយទាវក្រោយ បន្ដិចគេបានឃើញស្ដ្រីវ័យកណ្ដាលម្នាក់ មិនស្គាល់អត្ដសញ្ញាណបានកាន់ដបទឹក អាស៊ីតមកចាក់និងជះលើនារីរងគ្រោះ រួចក៏បានគេចខ្លួនបាត់តែម្ដង ។
ប្រភពបានអោយដឹងថាស្ត្រីរងគ្រោះ មានទំនាក់ទំនងជាមួយនឹងបុរសម្នាក់ ឈ្មោះធី ដែលបុរសរូបនេះមានប្រពន្ធ និងថែមទាំងមានកូនទៀតផង ។ នារីរង គ្រោះគេសង្ស័យថា ជាប្រពន្ធចុងឬស្រី លួចលាក់របស់បុរសឈ្មោះធីនេះ ។
គេកំពុងសង្ស័យថា អ្នកដែលចាក់ទឹក អាស៊ីតនោះជាប្រពន្ធដើមរបស់បុរស ឈ្មោះធី តែយ៉ាងណាក៏ដោយនេះគ្រាន់ តែជាការសន្និដ្ឋានប៉ុណ្ណោះ រឿងពិតយ៉ាង ណាសមត្ថកិច្ចមូលដ្ឋានកំពុងបើកការ ស៊ើបអង្កេតនិងស្រាវជ្រាវ ។
លោក អ៊ុំ សុផលបានបញ្ជាក់ថា នៅកន្លែងកើតហេតុរកឃើញ ដបច្រកទឹកអាស៊ីតចំនួន២និងផ្ដិលដែក មួយព្រមទាំងកាបូបមួយផងដែរ ។
សមត្ថកិច្ចកំពង់ស្រាវជ្រាវរកជនដៃដល់យកមកផ្តន្ទាទោសតាមច្បាប់។ចំណែកស្ត្រីរង គ្រោះបានបញ្ជូនទៅធ្វើការជួយសង្គ្រោះ ក្នុងមន្ទីរពេទ្យមិត្ដភាពកម្ពុជា-ជប៉ុន ស្រុកមង្គលបូរី ៕
