បន្ទាយមានជ័យ ៖ បុរសម្នាក់ជិះម៉ូតូបុកត្រាក់ទ័រសណ្តោងរម៉កដឹកម៉ាស៊ីនច្រូតស្រូវពីក្រោយបណ្តាលអោយស្លាប់ កាលពីម៉ោង១និង៣៥នាទីយប់ថ្ងៃទី២៩ ខែកញ្ញា ឆ្នាំ២០១៥ នៅលើកំណាត់ផ្លូវជាតិលេខ៦ ត្រង់ចំណុចបង្គោលខ្សែភ្លើងលេខ០២-៤៧នៅភូមិខ្វាវ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ។
នគរបាលបានអោយដងថាបុរសរងគ្រោះស្លាប់ឈ្មោះឈួនឆែមអាយុ២២ឆ្នាំរស់នៅភូមិខ្វាវ ឃុំបុស្បូវស្រុកព្រះនេត្រព្រះ ខេត្តបន្ទាយមានជយ័។ជិះម៉ូតូមួយគ្រឿងម៉ាកហុងដាខ្លិច CLICKពណ៍ក្រហមគ្មានស្លាកលេខ ម៉ូតូខូចខាតធ្ងន់ផ្នែកខាងមុខត្រាក់ទ័រខូចខាតស្រាលផ្នែកខាងក្រោយ។
ចំណែកបើកបរត្រាក់ទ័រឈ្មោះគីមសុគន្ធភេទប្រុសអាយុ៣៦ឆ្នាំមានទីលំនៅភូមិប៉ាលិលេយ្យ២ សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ។ត្រាក់ទ័រម៉ាកMTZ82Rផលិតនៅសភាពសូវៀតក្បាលពណ៍ខៀវសណ្តោងរម៉កដឹកម៉ាស៊ីនច្រូតស្រូវ។
សមត្ថកិច្ចបានអោយដឺងថា មុនពេលកើតហេតុមានត្រាក់ទ័រមួយគ្រឿងម៉ាក MTZ82R ផលិតនៅសភាពសូវៀតក្បាលពណ៍ខៀវសណ្តោងរម៉កដឹកម៉ាស៊ីនច្រូតស្រូវបើកបរបើកពីទិសខាងលិចទៅទិសខាងកើតលើកំណាត់ផ្លូវជាតិលេខ៦ពេលមកដល់ត្រង់ចំនុចកើតហេតុខាងលើ ស្រាប់តែមានម៉ូតូមួយគ្រឿងម៉ាកហុងដាខ្លិច CLICK ពណ៍ក្រហមគ្មានស្លាកលេខបើកបរក្នុងទិសដៅស្របគ្នាពីលិចទៅកើតបានបុកត្រាក់ទ័រ ពីក្រោយចំ ចំហៀងខាងឆ្វេងខាងក្រោយ បណ្តាលដួលស្លាប់តែម្តង ។
នគរបាលបានបញ្ជាក់ថាកឬណីគ្រោះថ្នាក់ចរាចរណ៍ដោយសារត្រាក់ទរ័ពុំមានភ្លើងសញ្ញាបំពាក់ឲ្យបានគ្រប់គ្រាន់នៅខាងក្រោយ។ម៉ូតូឡើងជេងត្រាក់ទរ័ដោយខ្វះការប្រុងប្រយត្ន័។ * សម្ភារៈ ទាំងសងខាងកំលាំងជំនាញបានយកមករក្សាទុក នៅអធិការរដ្ឋាននគរ
បាលស្រុករងចាំធ្វើការដោះស្រាយជាក្រោយ៕
