ខេត្តកណ្តាល ៖ កម្លាំង អាវុធហត្ថ ស្រុកកណ្តាលស្ទឹង បានធ្វើការបង្ក្រាបករណីរក្សាទុក ជូញដូរគ្រឿងញៀន ( ម៉ាទឹកកក ) ដោយខុសច្បាប់ ឃាត់មនុស្ស ៣ នាក់ និងដកហូតថ្នាំ្ញញៀន៥០កញ្ចប់និងសម្ភារៈមួយចំនួន។
ហេតុការណ៍បង្ក្រាបធ្វើឡងកាលវេលាម៉ោង១២និង៤៥នាទី ថ្ងៃទី២៨ខែកញ្ញាឆ្នាំ២០១៥ នៅចំណុចផ្ទះជនសង្សយ័ឈ្មោះ សឿន ស៊ីណា ភេទប្រុស អាយុ២៦ ឆ្នាំ មុខរបរ មិនពិតប្រាកដ រស់នៅភូមិស្រុកចេក ឃុំបឹងខ្យាង ស្រុកកណ្តាលស្ទឹង ខេត្តកណ្តាល ។
ប្រភពពី អហ ស្រុកកណ្តាលស្ទឹងបានអោយដឹងថាជនសង្ស័យដែលឃាត់ខ្លួនមាន១ឈ្មោះ សឿន ស៊ីណា (ម្ចាស់ផ្ទះ)ទី២ឈ្មោះ ណែម ណាត (ប្រពន្ធ)និងទី៣ឈ្មោះ សោម វណ្ណា ភេទប្រុស អាយុ៣០ឆ្នាំ រស់នៅព្រែកតាតូច ឃុំបឹងខ្យាង ស្រុកកណ្តាលស្ទឹង ខេត្តកណ្តាល។វត្ថុតាងដែលដកហូតបានមាន
១.គ្រឿងញៀនចំនួន ៥០ កញ្ចប់
២.សម្ភារ: និង ឧបករណ៏ប្រើប្រាស់គ្រឿងញៀនមួយចំនួន ។
៣.កាំភ្លើងខ្យល់ឆ្នៃ ចំនួន 01ដើម
៤.ដាវសាមឺរ៉ៃ ចំនួន 01
៥.ទូរសព្ទ័ដៃចំនួន 03គ្រឿង
៦.ម៉ូតូ Honda chally 01គ្រឿង
សមត្ថកិច្ចបញ្ជាក់ថាពេលកម្លាំង អហ ស្រុកកំពុងល្បាតក្នុងភូមិសាស្ត្រតាមបណ្តោយផ្លូវជាតិលេខ២ ក៏ជួបប្រទះឈ្មោះ សោម វណ្ណា មុខសញ្ញាប្រើប្រាស់គ្រឿងញៀន ជិះម៉ូតូចេញពីផ្ទះឈ្មោះសឿន សុីណា មុខសញ្ញាជួញដូរគ្រឿងញៀនដែលកម្លាំងយើងតាមឃ្លាំមើលជាយូរមកហើយ ពេលនោះកម្លាំងយើងឃាត់ឈ្មោះ សោម វណ្ណាធ្វើការត្រួតពិនិត្យ ឆែកឆេរខ្លួនរកឃើញគ្រឿងញៀន 01កញ្ចប់ ។ តាមចម្លើយសារភាពនិងពិនិត្យឃើញថាឈ្មោះ សឿន សុីណា កំពុងចែកចាយ ទើបមន្ទីរជំនាញខេត្តសុំការអនុញ្ញាតិពីលោកព្រះរាជអាជ្ញាធ្វើការឆែកឆេរផ្ទះជនខាងលើ (ដោយអោយឈ្មោះ សោម វណ្ណា ជាអ្នកចង្អុល បង្ហាញ)រកឃើញ គ្រឿងញៀនចំនួន 49កញ្ចប់ និងវត្ថុតាងមួយចំនួនទៀត។
ជនសង្ស័យ និងវត្ថុតាងបញ្ជូនទៅមន្ទីរជំនាញ អហ ខេត្ត ដើម្បីចាត់ការបន្តរនីតិវិធី ៕
