ខេត្តប៉ៃលិន ៖ បុរសម្នាក់ជាភ្នាក់ងារសារព័ត៌មានឆន្ទៈខ្មែរប្រចាំខេត្តប៉ៃលិន បានចូលទៅសាលាដំបូងខេត្ត កាលពីវេលាវេលាម៉ោង៨ និង៣០នាទីព្រឹកថ្ងៃទី២១ ខែកញ្ញា ឆ្នាំ២០១៥កន្លងទៅនេះ ដើម្បីបំភ្លឺពាក់ព័ន្ធនឹងបណ្តឹងរបស់លោកឧកញ៉ាសេង ឈុនឡេង ដែលប្តឹងពីបទព្រហ្មទណ្ឌ«បរិហារកេរ្តិ៍ជាសាធារណៈ» កាលពីឆ្នាំ២០១៣ ដល់ឆ្នាំ២០១៥ ដោយលោកបានសរសេរប្រើពាក់ថា“ជំទាវអត់ក្រិត”និងចុះផ្សាយក្នុងកាសែតរឿងបញ្ជាមេការនាំគ្នាយកត្រាក់ទ័រទៅបំផ្លាញដំណាំដំឡូងមីរបស់ខ្លួនលុះក្រោយពីមានពាក្យបណ្តឹងលោកជុំ សែនសទ្ធា ព្រះរាជអាជ្ញាអមសាលាដំបូងខេត្ត ក៏ចេញដីកាកោះហៅកាលពីថ្ងៃទី២៨ ខែសីហា ឆ្នាំ២០១៥ កន្លងមកនេះ ។
ប្រភពព័ត៌មានបានឱ្យដឹងថា បុរសខាងលើមាន ឈ្មោះសំ គូលីន អាយុ៤២ឆ្នាំ ជាភ្នាក់ងារសារព័ត៌មានឆន្ទៈខ្មែរ ដែលពុំសូវល្បីឈ្មោះ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ។ចំណែកភាគីដើមបណ្តឹងមាន ឈ្មោះ សេង ឈុនឡេង អាយុជាង៦០ឆ្នាំ មានងារជាឧកញ៉ា មានប្រពន្ធ ឈ្មោះ ឡេង សុភ័ណ្ឌ អាយុ៤០ឆ្នាំជាង រស់នៅភូមិអូររអិល ឃុំស្ទឹងកាច់ ស្រុកសាលាក្រៅ ។
បើតាមប្រភពព័ត៌មានពីលោកសំ គូលីន ភ្នាក់ងារសារព័ត៌មានឆន្ទៈខ្មែរ បានឱ្យដឹងថា ខណៈចូលទៅដល់សាលាដំបូងខេត្តភ្លាម លោក ជា វ៉ាន់រ៉ន ក្រឡាបញ្ជារបស់លោក ជុំ សែនសទ្ធា ព្រះរាជអាជ្ញាអមសាលាដំបូងខេត្តប៉ៃលិន បានប្រាប់ពីមូលហេតុដែលលោក ឧកញ៉ា សេង ឈុនឡេងប្តឹងលោកពីបទបរិហារកេរ្ត៍ជាសាធារណៈ គឺដោយសារតែលោកបានចុះផ្សាយនៅក្នុងទំព័រការសែតរបស់ខ្លួន ដោយនិយាយថា“ជំទាវអត់ក្រិត” និងចុះផ្សាយពីសកម្មភាពដែលឈ្មោះ ភិន សុវណ្ណ ហៅប្រុស អាយុជាង៤០ឆ្នាំ ឈ្មោះ ម៉ៅ សាវី ភេទប្រុស អាយុជាង៤០ឆ្នាំ ឈ្មោះ ចាប វ៉ិត អាយុជាង៤០ឆ្នាំ ឈ្មោះ ចាន់ នី ភេទប្រុស អាយុជាង៤០ឆ្នាំ ឈ្មោះ ដួង និង ឈ្មោះ ឌឿន ភេទប្រុស ទាំងអស់គ្នាជាមេការរបស់ឧកញ៉ាបាននាំគ្នាទៅបំផ្លាញដំណាំដំឡូងមីរបស់លោកចំនួន៥០ហិកតា នៅក្នុងចម្ការមួយកន្លែង ស្ថិតនៅភូមិអន្លង់រក្សា ឃុំស្ទឹងត្រង់ ស្រុកសាលាក្រៅ កាលពីថ្ងៃទី០៩ ខែកុម្ភៈ ឆ្នាំ២០១៤ កន្លងទៅ ។
លោក គូលីន បានបន្តទៀតថា មូលហេតុដែលលោកសរសេរថាជំទាវអត់ក្រិត ដោយសារតែខណៈលោកសួរទៅមេការខាងលើថា តើនរណាបញ្ជាឱ្យនាំគ្នាមកបំផ្លាញដំណាំរបស់លោកបែបនេះ ហើយពេលនោះពួកគេឆ្លើយឡើងថា គឺជំទាវជាអ្នកបញ្ជា តែពួកគេបានលាក់មិនព្រមប្រាប់ឈ្មោះ និងទីលំនៅរបស់ជំទាវនោះទេ រួចលោកក៏បានប្តឹងទៅសមត្ថកិច្ចនៃអធិការស្រុកសាលាក្រៅ ដើម្បីធ្វើកំណត់ហេតុ ។ ក្រោយមកលោកក៏ត្រឡប់ទៅផ្ទះវិញ ហើយ ក្នុងនាមខ្លួនជាអ្នកសារព័ត៌មានក៏បានចុះផ្សាយថា”ជំទាវអត់ក្រិត”តែម្តង។ ពេលនោះមានអ្នកសារព័ត៌ផ្សេងៗ ទៀតជាច្រើនបានរួមដំណើរជាមួយលោកទៅថតផ្តិតយករូបភាព និង ចុះផ្សាយពីសកម្មភាពទាំងនោះរៀងៗខ្លួន ។
លោក លីន បញ្ជាក់ទៀតថា លោកធ្លាប់បានដាក់ពាក្យប្តឹងទៅសាលាខេត្តប៉ៃលិន អស់រយៈ ពេលជាយូរថ្ងៃខែមកហើយ ហើយខាងលោកឧក ញ៉ា សេង ឈុនឡេង មិនបានចូលខ្លួនមកដោះស្រាយ នោះទេ ដោយប្រើតែមេការពីរនាក់ ទី១. ឈ្មោះ ភិន សុវណ្ណ និង ទី២. ឈ្មោះ ម៉ៅ សាវី មកដោះស្រាយប៉ុណ្ណោះ ខណៈសាលាខេត្តហៅជាច្រើនលើកច្រើនសារ ហើយលោកក៏អត់សុខចិត្តទើបចុះផ្សាយបន្តបន្ទាប់ នៅលើគេហទំព័រកាសែតឆន្ទៈខ្មែរ និងកម្ពុជាអភិវឌ្ឍន៍ផងដែរ ។
លុះក្រោយមក ស្រាប់តែមានដីកាចេញពីតុលាការកាលថ្ងៃទី២៨ ខែសីហា ឆ្នាំ២០១៥ ដោយលោក ជុំ សែនសទ្ធា ព្រះរាជអាជ្ញាអមសាលាដំបូងខេត្ត កោះហៅលោកឱ្យចូលបំភ្លឺនៅថ្ងៃទី២១ ខែកញ្ញា ឆ្នាំ២០ ១៥ កន្លងទៅនេះ ហើយលោកក៏បានរៀបចំឯកសារពាក់ព័ន្ធចូលបំភ្លឺតាមការកំនត់ផងដែរ ។
ក្រោយពីក្រឡាបញ្ជី លោក ជា វ៉ាន់រ៉ន សួរនាំរួចមក លោកក៏បានស្នើសុំឱ្យលោកព្រះរាជអាជ្ញាអម សាលាដំបូងខេត្ត ជួយរកយុត្តិធម៌ដល់រូបលោកដែលជាម្ចាស់ចម្ការរងគ្រោះផងដែរ ហើយលោកជឿជាក់ថា ច្បាប់យុត្តិធម៌នឹងមិនកាន់ជើងខាងណាម្នាក់នោះឡើយ ។
ការសរសេរថា ជំទាវអត់ក្រិតមានទោសទណ្ឌត្រូ វបង់លុយ ចំណែកដំឡូងមីរបស់លោកដែលត្រូវលោកឧកញ៉ាបំផ្លាញក៏ត្រូវបង់លុយដូចគ្នាដែរ ។
ទោះបីយ៉ាងណាក៏ដោយបន្ទាប់ពីសួរនាំអស់រយៈពេល២ម៉ោងរួចមកខាងក្រឡាបញ្ជីបានកត់ត្រារួ ចក៏ឱ្យលោកត្រឡប់ទៅផ្ទះវិញ លោកចាំមើលថាតើខាងច្បាប់ចាត់ការយ៉ាងណាចំពោះរឿងនេះ ? ៕
រតនៈ
