ខេត្តបន្ទាយមានជ័យ ៖ ការជីកកាយដីដឹកលក់ជាច្រើនកន្លែង មិនមានការចុះពិនិត្យ ដោយសង្ស័យថា ប្រធានមន្ទីររ៉ែ និងថាមពលខេត្តបន្ទាយមានជ័យ យកប្រាក់ពីឈ្មួយកាយដីលក់ទាំងនោះ ព្រោះរណ្តៅដីខ្លះវាធំ វាជ្រៅហួសពីការស្មាន នៅតំបន់ចាក់សំរាមភូមិកងវ៉ាថ្មី សង្កាត់កំពុងស្វាយ ក្រុងសិរីសោភ័ណ្ឌ តាមការអោយដឹងកាលម៉ោង១០និង៣០នាទីព្រឹកថ្ងៃទី១៤ខែកញ្ញាឆ្នាំ២០១៥។
ប្រជាពលរដ្ឋក្នុងភូមិបានអោយដឹងថា រណ្តៅដីនៅចំណុចភូមិខាងលើមានក្រុមហ៊ុនឈ្មោះ លីន ក្រុមហ៊ុនលោក ភ្លន់ ណារ៉ា ក្រុមហ៊ុនលោក តួ ធានទឺ កាយរណ្តៅដីជម្រៅលើសពី៥ម៉ែត្រ ជាការព្រួយបារម្ភពេលពួកគាត់ឬក្មេងៗទៅឃ្វាលគោឬដើរទៅចំការធ្លាក់ស្លាប់ ខ្លាចពេលមានទឹកភ្លៀងធ្លាក់ខ្លាំង ហូរគួចផ្ទះធា្លក់ចូលរណ្តៅទាំងនោះក៏ថាបាន ។
ការដឹកជញ្ជូនធ្ងន់ធ្វើអោយខូចខាតផ្លូវ មិនគ្រប ធ្លាក់ហុយតាមផ្លូវធ្វើអោយប៉ះពាល់ដល់សុខភាព។
ប្រភពពីអ្នកធ្វើអាជីវកម្មកាយដីដូចគ្នាបានអោយដឹងថាក្រុមហ៊ុនមួយចំនួនមិនបានបំពេញតាមបែបបទរដ្ឋគឺនិយាយជាមួយប្រធានមន្ទីរដោយផ្ទាល់មាត់ ជូនប្រាក់ខាងក្រៅផ្លូវការបាត់ចំណូលរដ្ឋ ។ ក្រុមហ៊ុនខ្លេះចូលកាយដីនៅទីណាមិនមានសមត្ថកិច្ចជំនាញចុះពិនិត្យ ហើយខ្លះទៀត គ្រាន់តែដាក់ពាក្យសុំ ខាងមន្ទីរមិនទាន់ចុះពិនិត្យ ឬអនុញាតផងនាំគ្នាចូកាយគាស់រហូតអស់ ទើបច្បាប់មកតាមក្រោយក៏មាន ។
ពាក់ព័ន្ធករណីនេះ អ្នកយកព័ត៌មានបានធ្វើការទំនាក់ទំនងជាមួយលោក សុខ វឌ្ឍនា ប្រធានមន្ទីររ៉ែ និងថាមពលខេត្តបន្ទាយមានជ័យ តាមទូរស័ព្ទលោកថាគាត់ជាប់រវល់ប្រជុំ ៕
