បាត់ដំបង ៖ សត្វមាន់រស់អត់ច្បាប់ឈ្មួញនាំពីប្រទេសថៃចូលស្រុកខ្មែរ តាមច្រកបឹងឆ្នាំងស្រុកកំរៀងក្នុង១ថ្ងៃរាប់ពាន់ក្បាលជះក្លិនអសោចប៉ះពាល់សុខភាពប្រជាពលរដ្ឋនិងកន្លែងពិឃាដសត្វគោជ្រូកមាន់ទាពាសវាលពាសកាលគ្មានសណ្តាប់ធ្នាប់និងគ្មានអ្នកត្រួតពិនិត្យចំណែកលោកប៉ែនសេដ្ឋាបិទភ្នែកចាំតែយកប្រាក់ដាក់ហោប៉ៅ។
ប្រភពពីអ្នករកស៊ីបានអោយដឹងកាលពីថ្ងៃទី២១ខែកក្កដាឆ្នាំ២០១៤ថា លោក ប៉ែន សេដ្ឋា ប្រធានការិយាល័យបសុព្យាបាលបានបើកដៃ អោយឈ្មួញនាំសត្វមាន់ រស់អត់ច្បាប់ចូលពីប្រទេសថៃ តាមច្រករបៀងបឹងឆ្នាំងតាមច្រករបៀងភ្នំព្រះពុទ្ធភូមិ ភ្នំព្រះពុទ្ធឃុំ ស្រុកកំរៀង ខេត្តបាត់ដំបងយ៉ាងគគ្រឹកគគ្រេង ។ ពួករកស៊ីមានឈ្មោះផល្លា នៅភូមិសង្កាត់ទួលតាឯកក្រុងបាត់ដំបង និងឈ្មោះ សារមុន្នី អ្នកផ្សាយវិទ្យុ…..ប្រចាំខេត្តបាត់ដំបងពួកនេះ មានច្បាប់នាំចូលឬសិទ្ធរកស៊ីត្រឹមតែខ្នងលោក ប៉ែន សេដ្ឋា គឺមិនមានច្បា់ពីក្រសួងមកឡើយ ។
ចំណែកអ្នកផ្សេងមិនអនុញ្ញាតិអោយនាំសត្វមាន់រស់ពីស្រុកថៃចូលមកខេត្តបាត់ដំបងបានទេ ។ ការដែលដឹកជញ្ជូនសត្វមាន់រស់នេះ មិនមានស្តង់ដាទេគឺដឹកដាក់ខេងឬទ្រុងធម្មតា បណ្តាលអោយជះក្លិនអសោចមិនល្អជាការប៉ះពាល់ដល់សុខភាពមនុស្សរស់តាមដងផ្លូវរាប់ មពាន់នាក់ផងដែរ នឹងងាយបង្កអោយកើតមានជម្ងឺផ្តាសសាយបក្សីនិងជម្ងឺផ្សេងៗ ។
ប្រភពប្រជាពលរដ្ឋនៅភូមិវត្តគសង្កាត់វត្តគក្រុងបាត់ដំបងបានអោយដឹងថា សត្វមាន់ ត្រូវបានគេធ្វើពិឃាតសម្លាប់មិនមានសណ្តាប់ធ្នាប់បណ្តាលអោយធំក្លិនស្អុយរលួយឆ្អេះឆ្អាប នៅចំណុចក្បែរភោជនីយដ្ឋានអស់កង្វល់ផ្លូវវាងក្រុងស្ថិតភូមិវត្តគសង្កាត់វត្តគមិនមានអ្នកចុះ ពិនិត្យឡើយ ។ ចំពោះប្រជាពលរដ្ឋរស់នៅទីនេះរស់នៅពីបាកដកដង្ហើម និងប៉ះពាល់សុខភាពជាខ្លាំងចំណែកមន្ត្រីការិយាល័យផលិតកម្មនិងបសុព្យាបាលមិនចុះ ពិនិត្យដេកចាំបើប្រាក់ខែស្រាប់ៗតែម្តង។
ពាក់ព័ន្ធករណីនេះ លោក ប៉ែន សេដ្ឋា ប្រធានការិយាល័យផលិតកម្ម និងបសុព្យាបាលបានបកស្រាយថា សត្វមាន់រស់មានក្រុមហ៊ុនជាច្រើនបានសុំច្បាប់អនុញ្ញាតពីក្រសួងកសិកម្មបានបង់ប្រាក់ពន្ធ ចូលរដ្ឋនាំពីប្រទេសថៃនិងប្រទេសវៀតណាមចូលស្រុកខ្មែរក្នុង១ថ្ងៃរាប់ពាន់ក្បាល ។ ការនាំចូលសត្វមាន់រស់មិនមានសិទ្ធផ្តាច់មុខរបស់អ្នកណាទេ ចំពោះអ្នកដែលការិយាល័យ ហាមមិនអោយនាំចូលគឺគាត់មិនបានធ្វើច្បាប់ទំលាប់ត្រឹមត្រូវ ។ ចំពោះការធ្វើពិឃាតសម្លាប់សត្វមាន់នៅចំណុចក្បែរភោជនីយដ្ឋានអស់កង្វល់ផ្លូវវាងក្រុងស្ថិតភូមិវត្តគសង្កាត់វត្តគក្រុមលោកមិនបានចុះពិនិត្យមែន ព្រោះយល់ឃើញថា ការចុះពិនិត្យមិនមាន ក្រុមសមត្ថកិច្ចចម្រុះប្រជាពលរដ្ឋយល់ថា ចុះទៅគោះរកប្រាក់ជាដើម ដូច្នេះប្រជាពលរដ្ឋអាចដាក់បណ្តឹងទៅសាលាក្រុងដើម្បីបង្កើតក្រុមចម្រុះចុះពិនិតកន្លែងពិឃាត់មាន់ឥតសណ្តាប់ធ្នាប់នេះ ៕
