ខេត្តបន្ទាយមានជ័យ ៖ កម្លាំងនគរបាល នៃស្នងការដ្ឋាននគរបាលខេត្តបន្ទាយមានជ័យ បានដាក់កម្លាំងស្រាវជ្រាវ ចាប់បានមេខ្លោងចោរប្លន់ប្រដាប់អាវុធម្នាក់ចំណោម ៥ នាក់ កាលពីថ្ងៃទី០៧ ខែកញ្ញា ឆ្នាំ២០១៥ ដែលជាអ្នករៀបចំផែនការ និងបញ្ជាឲ្យប្លន់ ប៉ះអីយកហ្នឹង នៅខេត្តបន្ទាយមានជ័យ ខេត្តព្រះវិហារ និង ខេត្ដឧត្ដរមានជ័យជាដើម ។
លោកឧត្តមសេនីយ៍ អាត់ ខែម បានបញ្ជាក់ថា លោកបានដឹកនាំកម្លាំងដូចជា ស្នងការរង លោក សិទ្ធ ឡោះនិងប្រធានការិយាល័យព្រហ្មទណ្ឌកំរិតធ្ងន់ ចាប់បានមេខ្លោងចោរប្លន់ប្រដាប់អាវុធម្នាក់ ដែលជាអ្នករៀបចំផែនការ និងបញ្ជាឲ្យប្លន់ ប៉ះអីយកហ្នឹង ខណៈបក្ខពួក៤នាក់ កំពុងរត់គេចខ្លួន តែស្គាល់អត្តសញ្ញាណអស់ ហើយនិងកំពុងតាមចាប់ខ្លួនមេក្លោងរូបនេះ ដែលមានឈ្មោះថា លួង លាភ អាយុ ៤៧ ឆ្នាំ ស្នាក់នៅភូមិស្វាយខ្មៅឃុំពន្លៃ ស្រុកភ្នំស្រុក ជាអតីតទាហានរបស់ក្រុមប៉ារ៉ា និងបក្ខពួក បានចូលប្លន់ផ្ទះប្រជាពលរដ្ឋ ឈ្មោះ ថោង ចុង ស្ថិតនៅភូមិរំដួលឃុំភ្នំលាប ស្រុកព្រះនេត្រព្រះ កាលពីយប់ថ្ងៃទី៧ ខែសីហា ដោយបានចាប់វាយម្ចាស់ផ្ទះ បណ្តាលឲ្យរងរបួស មុនយកទ្រព្យសម្បត្តិនិងម៉ូតូ ២ គ្រឿង ។ ដូច្នេះរយៈពេលមួយខែគត់ ដែលកម្លាំងនគរបាលរបស់លោក សហកាជាមួយកម្លាំងនគរបាល តាមខេត្តបានបង្ក្រាប និងចាប់ខ្លួនមេចោររូបនេះមេចោរប្លន់រូបនេះធ្លាប់ ធ្វើសកម្មភាពប្លន់ នៅបឹងត្រកួនឆ្នាំ២០១១ប្លន់ទូមាសនៅឆ្នាំ២០១២ ក្នុងឃុំគោកតាស៊ត ប្លន់នៅព្រះវិហារនិងខេត្ដឧត្ដរមានជ័យជាដើម ៕
