ខេត្តបន្ទាយមានជ័យ ៖ ប្រជាកសិកររយៈពេលកន្លងទៅធ្វើស្រែមានស្រូវប្រាំង និងស្រូវធ្ងន់និងធ្វើចំការភាគច្រើនដំឡូងមីបានផលហើយតែពិការរកទីផ្សារលក់ ហើយបានយកទៅលក់អោយឈ្មួញកណ្ដាល គ្រាដែលហាងឆេងឡើងចុះតាមតែគេថា ប៉ុន្តែបើនាំចេញលក់អោយឈ្មួញថៃតាមព្រំដែនត្រូវបានកុងត្រូលជជុះជាច្រើនកន្លែងទារលុយច្រើនហួសហេតុ ប្រជាពលរដ្ឋសំណូមពរសុំអោយរាជរដ្ឋាភិបាលជួយរកទីផ្សារស្រូវ និងដំឡូងមីជូនប្រជាពលរដ្ឋលក់តំលៃសមរម្យដើម្បីកាត់បន្ថយចំណាកស្រុកដោយខុសច្បាប់ ក្នុងវេទិការសាធារណៈនៅថ្ងៃទី០១ ខែកញ្ញា ឆ្នាំ២០១៥ នៅសាលាក្រុងសិរីសោភ័ណ។
ចៅសង្កាត់ម្នាក់បានលើកឡើងក្នុងវេទិការសាធារណៈនៅថ្ងៃទី០១ ខែកញ្ញា ឆ្នាំ២០១៥ នៅសាលាក្រុងសិរីសោភ័ណ ក្នុងវេទិការសាធារណស្តីពីកាគាំទ្រការអនុវត្តកម្មវិធីនយោបាយ និងយុទ្ធសាស្គ្រចតុកោណដំណាក់កាលទី៣របស់រាជរដ្ឋាភិបាលកម្ពុជា ក្នុងវេទិការនេះមានប្រជាពលរដ្ឋដែលចូលរួមយ៉ាងច្រើន ហើយពួកគាត់បានមានមតិថា ប្រជាកសិកររយៈពេលកន្លងទៅធ្វើស្រែមានស្រូវប្រាំង និងស្រូវធ្ងន់និងធ្វើចំការភាគច្រើនដំឡូងមីបានផលហើយតែពិការរកទីផ្សារលក់ ហើយបានយកទៅលក់អោយឈ្មួញកណ្ដាល គ្រាដែលហាងឆេងឡើងចុះតាមតែគេថា ប៉ុន្តែបើនាំចេញលក់អោយឈ្មួញថៃតាមព្រំដែនត្រូវបានកុងត្រូលជជុះជាច្រើនកន្លែងទារលុយច្រើនហួសហេតុ ប្រជាពលរដ្ឋសំណូមពរសុំអោយរាជរដ្ឋាភិបាលជួយរកទីផ្សារស្រូវ និងដំឡូងមីជូនប្រជាពលរដ្ឋលក់តំលៃសមរម្យដើម្បីកាត់បន្ថយចំណាកស្រុកដោយខុសច្បាប់ទៅរកការងារធ្វើនៅថៃ លោក ស្រី ហឿង ចៅសង្កាត់ម្កាក់បានលើកឡើងថា នៅក្នុងសង្កាត់ម្កាក់ក្រុងសិរីសោភ័ណគឺសកម្មភាពគ្រឿងញៀនបានកើតឡើងមិនឃើញមានការថយចុះទោះជាអាជ្ញាធរមូលដ្ឋានបានរាយការជូនស្ថាប័នសមត្តកិច្ចអោយចាត់ការយ៉ាងណាក៍ដោយ ។
ប្រជាពលរដ្ឋបានកោតសសើរចំពោះសមត្តកិច្ចរយៈពេលកន្លងមកនៅខេត្តបន្ទាយមានជ័យ ការបង្ក្រាបគ្រឿងញៀនឃើញយ៉ាងសកម្ម និងបានគ្រឿងញៀនតែប្រជាពលរដ្ឋងឿង ឆ្ងល់ថា ៖ គ្រឿងញៀនដែលបង្ក្រាបបាន តើគេយកទៅណា មិនដែលឃើញយកមកកម្ទេចចោល អោយប្រជាពលរដ្ឋបានឃើញបន្តឡើយ ។
លោកបានបញ្ជាក់ថា ប្រជាពលរដ្ឋក្នុងមូលដ្ឋានគាត់សួរទៅកូនចៅគាត់ដែរប្រើប្រាស់គ្រឿងញៀនថា ពួកឯងទិញពីណា ពួកគេឆ្លើយថាគឺគ្រឿងញៀននេះពួកគេទិញពី Police ទើបហ៊ានលក់ លោក ស៊ុន គន្ធរ រដ្ឋមន្ត្រីប្រតិភូអមនាយករដ្ឋមន្ត្រីបានមានប្រាសាសន៍ឆ្លើយតប នឹងសំនួរសិស្សានុសិស្ស និងប្រជាពលរដ្ឋរាល់បញ្ហាប្រឈមនិងអវិជ្ជមានដែលកើតឡើងនៅក្រុងសិរីសោភ័ណ ខេត្តបន្ទាយមានជ័យ ។ ជាក់ស្ដែង បញ្ហាគ្រឿងញៀន គឺសមត្ថកិច្ចពាក់ព័ន្ធត្រូវចេះសហការ ជាមួយអាជ្ញាធរមូលដ្ឋាន ធ្វើយ៉ាងណាដើម្បីភូមិ/ឃុំមានសុវត្ថិភាព និងសន្តិសុខសណ្តាប់ធ្នាប់ជូនប្រជាពលរដ្ឋនិងសង្គម ៕
