បាត់ដំបង៖ បុរសម្នាក់ផឹកស្រាស្រវឹងវាយឪពុកបង្កើតរបស់ខ្លូន និង ឈើជ្រុងបណ្តាលអោយបាក់ស្មងជើងឆ្វេង និង
បែកក្បាល ផ្នែកខាងក្រោយចំនួន ២ កន្លែង ផ្នែកខាងមុខ ២ កន្លែង និង ថ្ពាល់ស្តាំ ១ កន្លែង ។ ហេតុការណ៏នេះបានកើតឡើងកាលពីយប់ថ្ងៃទី២៩ ខែ សីហា ឆ្នាំ ២០១៥ ស្ថិតនៅភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង។
ប្រភពពីសម្ថកិច្ចបានអោយដឹងថា៖ ជនសង្ស័យឈ្មោះ ផន មករា ភេទប្រុស អាយុ ៣៦ ឆ្នាំ បានផឹកស៊ីជាមួយឪពុកបង្កើតរបស់ខ្លួនឈ្មោះ ផន សារ៉េត អាយុ ៦២ ឆ្នាំ ដោយមានការឆ្គងពាក្យសំដីគ្នាក្នុងវងស៊ីផឹក ឈ្មោះ ផន មករា ដែលត្រូវជាកូនបង្កើតបានយកឈើជ្រុងដើរវាយសម្ភារះជាច្រើននៅក្នុងផ្ទះទើបបងប្អូននាំគ្នាចាប់ខ្លួន
ចងជាប់នឹងដើមឈើប៉ុន្តែក្រោយពេលដាច់ចំណងកូនចិត្តតិរិច្ឆានបានយកឈើជ្រុងវាយឪពុកវិញ។
តាមការបញ្ជារផ្តាល់ពីព្រះរាជអាជ្ញា តូច សុភក្តិ កំលាំងនគរបាលអធិការស្រុកឯកភ្នំបានចុះទៅឃាត់ខ្លួនជនសង្ស័យខាងលើមកសាកសួរ ដើម្បីកសាងណុំរឿង និងបញ្ជូន មកស្នងការខេត្តចាត់ការបន្ត៕
ដោយ សុខ កុសល
