ខេត្តប៉ៃលិន ៖ បុរសម្នាក់ជនជាតិភូមា ជាកម្មករចាំចម្ការដេកស្លាប់ សមត្ថកិច្ចធ្វើកោសល្យវិច័យលើសព មិនឃើញស្លាកស្នាម របួស ឬមានជាតិថ្នាំពុលទេ សង្ស័យកើតជំជឺខ្យល់គរ កាលពីម៉ោង៨និង៣០នាទី ព្រឹកថ្ងៃទី២០ សីហា នៅចំណុចភូមិអូរអិលឃុំស្ទឹងកាច់ស្រុកសាលាក្រៅ។
សមត្តកិច្ចនគរបាលបានឲ្យដឹងថា បុរសម្នាក់ដែលដេកស្លាប់ឈ្មោះ ច អេម អាយុ៤៣ឆ្នាំ កម្មករមានស្រុកកំណើតនៅស្រុកថ្មគោល ខេត្តបាត់ដំបង និងមានប្រពន្ធឈ្មោះ ទួលចាន់ អាយុ៥៨ឆ្នាំ បច្ចុប្បន្ន ទាំង២នាក់រស់នៅភូមិឃុំកើតហេតុខាងលើ។
ឈ្មោះ ទួលចាន់ អាយុ៥៨ឆ្នាំ កម្មករ ត្រូវជាប្រពន្ធ បានប្រាប់សមត្ថកិច្ចឲ្យដឹងថា មុនពេលកើតហេតុ រូបគាត់២នាក់ប្ដីប្រពន្ធបានមកស៊ីឈ្នួលចាំចម្ការឲ្យគេជិតមួយឆ្នាំហើយ ដល់ថ្ងៃកើតហេតុ ស្រាប់តែប្ដីរបស់គាត់បានប្រាប់គាត់ថា រូបគាត់វិលមុខ និងក្ដៅខ្លួន ក៏ដើរមកដេកក្នុងរោងចាំចម្ការ ក្រោយមកប្តីបានស្រែកថាក្តៅណាស់ៗ ឲ្យគាត់ជាប្រពន្ធជួយរឹតស្អំខ្លួន បន្ទាប់មក ក៍ត្រជាក់ខ្លួនវិញ ។ គាត់ក៏ឲ្យប្រពន្ធកោសខ្យល់ បន្ទាប់មកស្រាប់តែប្ដីរបស់បានបែកចំពុះមាត់ ប្រកាច់រូបគាត់ប្រពន្ធបានច្របាច់ រឹតខ្លួនក៏ផុតដង្ហើមតែម្តង ។
ក្រោយមកគាត់ក៏រត់ឲ្យអ្នកភូមិជួយបន្ទាប់មកអ្នកភូមិ ក៏នាំគ្នាមើលនិងជួយសោកស្ដាយ រួចមកទៀតក៏ ឮដល់សមត្ថកិច្ចប៉ុស្តិស្ទឹងកាច់ មកដើម្បីមកពិនិត្យសាកសព ហើយធ្វើកោសល្យវិច័យរួចរាល់អស់ហើយ សាកសពត្រូវសមត្ថកិច្ចប្រគល់សពឲ្យទៅក្រុមគ្រួសារ យកទៅធ្វើបុណ្យតាមប្រពៃណី ហើយដឹកយកទៅដាក់វត្តផ្សារព្រំភូមិផ្សារព្រំ។
នគរបាលធ្វើកោសល្យវិច័យឃើញថា សាកសពបុរសដែលស្លាប់មិនមានស្នាមជាំអ្វីនៅលើរូបរាងកាយ ឬផឹកថ្នាំពុលអ្វីនោះទេ ដោយសង្ស័យកើតជំងឺខ្យល់គរនិងខ្សោយបេះដូង ។ ក្រោយមកមានក្រុមបណ្ដាញព័ត៌មានបានចូលថវិកាទៅក្រុមគ្រួសារសពផងដែរ ៕
