ប៉ៃលិន ៖ ទីតាំងលក់កន្ទុយលេខ ១ កន្លែងត្រូវបានកំលាំងនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តប៉ៃលិន បង្ក្រាបឃាត់ខ្លួនមនុស្ស ៣ នាក់យកមកធ្វើការផាកពិន៍យអប់រំ កាលពីវេលាម៉ោង ១៥ និង ១០ នាទី ល្ងាចថ្ងៃទី ២០ ខែសីហា ឆ្នាំ ២០១៥នៅភូមិផ្សារព្រំឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រភពពីសមត្ថកិច្ចនគរបាលអោយដឹងថាទីតាំងលក់កន្ទុយលេខខាងលើម្ចាស់ផ្ទះឈ្មោះ យុន យិន ភេទ ស្រី អាយុ ៥០ ឆ្នាំ និង ២ នាក់ទៀត ឈ្មោះដួង សុភ័ក្រ ភេទប្រុស អាយុ ១៩ ឆ្នាំ ត្រូវជាកូន និងម្នាក់ទៀត ឈ្មោះ ញែមញឹល ភេទប្រុស អាយុ ១៨ ឆ្នាំ ត្រូវជាក្មួយ នាក់ទាំង ៣ រស់នៅភូមិផ្សារព្រំឃុំស្ទឹងកាច់ ស្រុកសាលាក្រៅ ខេត្តប៉ៃលិន។
សមត្ថកិច្ចបាបនគរបាលបានបញ្ជាក់ថា ការបង្ក្រាបទីតាំងល្បែងកន្ទុយលេខខាងលើគ្រាន់តែផាកពិន័យតិចតួចរួចអប់រំអោយទៅផ្ទះវិញ។
មតិរិះគន់ថា ទីតាំងកន្លែងលក់កន្ទុយលេខ ៣ កន្លែងទៀតនៅចំណុចភូមិប៉ាហ៊ី សង្កាត់ប៉ៃលិន ក្រុងប៉ៃលិន មានឈ្មោះ លៀប ឈ្មោះ ធុល ឈ្មោះ ងីម មិនទាន់បង្ក្រាបឡើយ ៣ កន្លែងនេះ ជាឆ្នាំងបាយរបស់នគរបាលការិយាល័យព្រហ្មទ័ណ្ឌកំរិតស្រាល ៕
ដោយ សុខ កុសល
