បាត់ដំបង ៖ ក្មេងទំនើង ២ នាក់និងម៉ូតូ ១ គ្រឿង (ក្នុងចំណោម ៥ ទៅ ៦ នាក់ម៉ូតូ ៣ គ្រឿង) មានដាវសាំម៉ូរ៉ៃ ធ្វើសកម្មភាពដេញកាប់អ្នកដ៏ទៃ បន្ទាប់ពីកម្លាំងនគរបាលបង្ក្រាបឃាត់ខ្លួន បញ្ជូនទៅការិយាល័យព្រហ្មទ័ណ្ឌកម្រិតស្រាល ត្រូវបានអប់រំដោះលែងអោយមានសេរីភាពនាព្រឹកថ្ងៃទី២០ខែសីហា ឆ្នាំ២០១៥។
ប្រភពបានអោយដឹងថា កាលពីវេលាម៉ោង៦និង៣០នាទីល្ងាចថ្ងៃទី១៩ខែសីហា ឆ្នាំ២០១៥នៅចំណុចក្បែដើមអំពិលរបមាត់ស្ទឹងសង្កែស្ថិតក្នុងឃុំសង្កាត់ស្វាយប៉ោ ក្រុង
បាត់ដំបង មានម៉ូតូ៣គ្រឿង មានក្មេងទំនើងជិះគ្នា៥ទៅ៦នាក់ដៃកាន់ដាវសាំម៉ូរ៉ៃ ជិះចុះឡើងទំនងដេញកាប់អ្នកដ៏ទៃ មួយសន្ទុះក្រោយមក ក្រុមនគរបាលបង្ក្រាបជិះម៉ូតូដេញចាប់បានម៉ូតូ១គ្រឿងក្មេងទំនើង២នាក់និងដាវសាម៉ូរ៉ៃចំនួន១ដើមយកទៅស្នងការដ្ឋាននគរបាលខេត្តបាត់ដំបង ។
សមត្ថកិច្ចនគរបាលបានអោយដឹងថា ក្មេងទំនើងទាំង២នាក់ដែលធ្វើការឃាត់ខ្លួនបានទី១ឈ្មោះជុំ វណ្ណធាន ភេទប្រុសអាយុ១៨ឆ្នាំ ទី២ឈ្មោះឈៀន ប៊ុនឈប់ ភេទប្រុសអាយុ១៨ឆ្នាំទាំង២នាក់រស់នៅភូមិស្លាកែត សង្កាត់ស្លាកែត ក្រុងបាត់ដំបង ។ វត្ថុតាងមានដាវសាំម៉ូរ៉ៃចំនួន១ដើម។
សមត្ថកិច្ចនគរបាលបានបញ្ជាក់ថា នៅព្រឹកថ្ងៃទី២០ខែសីហាឆ្នាំ២០១៥ក្មេងទំនើងទាំង២នាក់ខាងការិយាល័យព្រហ្មទ័ណ្ឌកម្រិតស្រាល បានធ្វើការអប់រំផាកពិន័យ រួចបានធ្វើដោះលែងអោយមានសេរីភាព ។
មតិរិះគន់ថាបើមិនដាក់ទោសទ័ណ្ឌវាទេ ក្មេងទំនើងវានឹងកើនឡើងប្រសេកប្រសាចពេញក្រុងបាត់ដំបង ៕
