បាត់ដំបង ៖ កម្លាំងលោក សេង ផានិត ព្រះរាជអជ្ញារងអមសាលាដំបូងខេត្តបាត់ដំបង ដឹកនាំសមត្ថកិច្ចចុះបង្ក្រាបល្បែងហ្គេមបាញ់ត្រី២កន្លែងឆែកឃើញសម្ភារៈប្រើប្រាស់គ្រឿងញៀនមួយចំនួនឃាត់មនុស្ស៩នាក់ យកទៅអធិការដ្ឋាននគរបាលក្រុងបាត់ដំបង ចាត់ការតាមផ្លូវច្បាប់ កាលពីព្រឹកថ្ងៃទី១៥ ខែសីហា ឆ្នាំ២០១៥ ។
វត្តមានចូលរួមបង្ក្រាបមាន លោក ជេត វណ្ណនី ស្នងការរងនគរបាលខេត្តបាត់ដំបង លោក ឌី ពៅ អភិបាលរងក្រុងបាត់ដំបង លោក យឹម វិចិត្រ អធិការងក្រុងបាត់ដំបង លោក អ៊ុក គីម ចៅសង្កាត់ស្វាយប៉ោនិងនគរបាលក្រុងជាច្រើនរូបទៀត ។
ក្នុងកិច្ចប្រតិបត្តិការបង្ក្រាបទីតាំងល្បែងបាញ់ត្រី កន្លែងឃាត់បានមនុស្សប្រុសស្រីចំនួន ៨ នាក់ មានវ័យចន្លោះពី២៥ឆ្នាំ ដល់៣៧ឆ្នាំ ។ ១-ឈ្មោះ មាន សាន ២-ឈ្មោះ គឹម ឡាយ ៣-ឈ្មោះ ម៉ៅ វិសាល ៤-ឈ្មោះ សៀវ ប៉ាវ ៥-ឈ្មោះ ប៉ោយ សំរ៉ុង ៦-ឈ្មោះ ប៉ុន រដ្ឋា ៧-ឈ្មោះ សុខ អី ៨-ឈ្មោះ ហាន ស្រីពៅ ៩-ឈ្មោះ ហ៊ុយ ស្រីរស់ ។
ជាជំហានដំបូង ការបង្ក្រាបនេះដើម្បីអប់រំតែប៉ុណ្ណោះ ពេលឆែកឆេរឃើញសម្ភារៈប្រើប្រាស់ថ្នាំញៀន សមត្ថកិច្ចនៅស្រាវជ្រាវបន្តទៀត ដើម្បីចាត់ការម្ចាស់ទីតាំងតាមផ្លូវច្បាប់ ៕
សុខ កុសល
