ប៉ៃលិន : យុវជនម្នាក់ចង់ស្រលាញ់កូនក្រមុំគេតាមផ្លូវកាត់ ពេលម្តាយខាងស្រីឈប់អោយទាក់ទង និងអោយនាំឪពុកម្តាយចូលតាមផ្លូវច្បាប់ ខឹងតូចចិត្តផឹកថ្នាំពុលសម្លាប់ខ្លួន មិនសម្រេចដោយបានសាច់ញាតិយកទៅមន្ទីរពេទ្យសង្គ្រោះទាន់ពេលវេលា។
ហេតុការណ៍នេះកើតឡើងកាលពីវេកាម៉ោង៨និង៤៥នាទីយប់ថ្ងៃទី១៣ខែសីហាឆ្នាំ២០១៥ឋិតនៅក្នុងផ្ទះយុវជនរងគ្រោះក្នុងភូមិសំបូរឃុំសាលាក្រៅស្រុកសាលាក្រៅខេត្តប៉ៃលិន។
តាមប្រព័ត៌មានពីរអ្នកភូមិដែលបានរួមដំណើរមកមើលជនរងគ្រោះបានឲ្យដឹងថា បុរសជនរងគ្រោះមានឈ្មោះពៅ ញ៉ាញ់ អាយុ ២០ឆ្នាំ ធ្វើចម្ការរស់នៅភូមិសំបូរ ឃុំសាលាក្រៅស្រុក សាលាក្រៅខេត្តប៉ៃលិន ។ យុវជនម្នាក់នេះមាន ស្រុកកំណើតនៅ ខាងលិចស្ពាន ដៃទន្លេ ស្រុកកំពង់ត្របែកតែនៅក្នុងស្រុកកោះស្ដេចខេត្តព្រៃវែង។
ប្រភពបានបន្តទៀតថា យុវជនម្នាក់តូចចិត្តនិងម្ដាយគូរសង្សារស្តីបន្ទោសមិនឲ្យមកនិយាយគ្នាកន្លែងយប់ស្ងាត់ហើយម្ដាយបង្កើតនាងក្រមុំថាឲ្យយុវជននាំឪពុក ម្ដាយចូលសួរតាមផ្លូវច្បាប់ប្រពៃណីខ្មែរពេលនោះយុវជនតូចចិត្តខឹងក៍រត់ទៅផ្ទះបងប្អូនទៅយកថ្នាំពុលប្រភេទថ្នាំសញ្ញាឆ្កែអង្គុយយកមកផឹកក្នុងផ្ទះរបស់ខ្លួន ស្រងំផឹកអស់២កូនកែវប៉ងធ្វើអត្តឃាត ។ ក្រោយមកត្រូវបានបងស្រីជីដូនមួយហៅរថយន្នអ្នកភូមិជិតផ្ទះ បានដឹកយុវជនរងគ្រោះមកកាន់មន្ទីរពេទ្យបង្អែកខេត្តប៉ៃលិនទាំងយប់ពេលមកដល់មន្ទីរពេទ្យខេត្ត គ្រូពេទ្យបានពិនិត្យហើយក៍បាន លាងក្រពះឲ្យអស់ជាតិពុលក្នុងក្រពះសង្គ្រោះទាន់ពេលវេលា៕
