ខេត្តបន្ទាយមានជ័យ ៖ មេបញ្ជាការកងរាជអាវុធហត្ថខេត្តដាក់វិធានការឲ្យកងកម្លាំងក្រោមឱវាទទប់ស្កាត់បទល្មើសប្លន់ប្រដាប់អាវុធ និងបង្ក្រាបអោយបានជនសង្ស័យយកមកផ្តន្ទាទោសតាមផ្លូវច្បាប់ នៅព្រឹកថ្ងៃទី ១៣ សីហា ២០១៥ នៅសាលប្រជុំសាលាខេត្តបន្ទាយមានជ័យ ។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ បានមានប្រសាសន៍ថា ៖ កម្លាំងកងរាជអាវុធហត្ថខេត្ត/ស្រុក. ក្រុង មានភារកិច្ចត្រូវការពារបូរណភាពទឹកដី និងសន្តិសុខនិងសណ្តាប់ធ្នាប់ជូនប្រជាពលរដ្ឋនិងប្រទេសជាតិ ។ ហើយរយៈពេលកន្លងមកបានជួយដល់ប្រជាពលរដ្ឋនិងជួយដល់ប្រជាពលរដ្ឋនៅពេលរងគ្រោះដោយធម្មជាតិ មានគ្រោះទឹកជំនន់ និងខ្យល់កន្ត្រាក់ ចុះជួយច្រូតស្រូវ និងប្រមូលផលជូនប្រជាកសិករ ។
ក្នុងកិច្ចប្រជុំពង្រឹងការងារដល់កងកម្លាំងលោកបានមានប្រសាសន៍ដាក់វិធានការដល់មេបញ្ជាការរងទទួលការងារតាមបណ្តាស្រុក/ក្រុង ត្រូវស្រាវជ្រាវរកមុខសញ្ញាបទល្មើសប្លន់ប្រដាប់អាវុធ និងបទល្មើសផ្សេងៗចាប់ខ្លួនជនល្មើស អោយបានដើម្បីចាត់ការតាមច្បាប់ការពារភូមិ/ឃុំ មានសុវត្ថិភាពជូនប្រជាពលរដ្ឋ ៕
