ខេត្តឧត្តរមានជ័យ ៖ រថយន្តទេសចរមួយគ្រឿងបានធ្វើដំណើរ មកលេងខេត្ត ឧត្តរមានជ័យ ច្រកជាំស្រងាំ ស្រុកអន្លង់វែង នៅពេលចុះពីចំណោទភ្នំមកវិញ បានជ្រុលចង្កូតធ្លាក់ជ្រោះ បង្កអោយធ្លាក់មនុស្សរាយប៉ាយ និងគៀបនៅក្នុងឡានស្លាប់១៦នាក់និងរបួសធ្ងន់ ស្រាលមួយចំនួនទៀត សរុប៣៩នាក់ កាលពីវេលាម៉ោង១១ និង២០នាទីព្រឹកថ្ងៃទី ១៣ខែសីហាឆ្នាំ២០១៥ ។
រថយន្តទេសចរណ៍ធ្វើដំណើរមកពីភ្នំពេញដើម្បីកំសាន្តនៅតាមព្រុំដែន និងតាមបណ្តាខេត្តផ្សេងៗ តែដល់ធ្វើដំណើរចុះត្រឡប់មកវិញ ដោយមិនដឹង
ថាដោយសារអ្វីទេ បណ្តាលឲ្យរថយន្តនោះធ្លាក់ចុះទៅក្រោម ឯមនុស្សធ្លាក់រាយប៉ាយ និងគៀបនៅក្នុងឡានស្លាប់ និងរបួសគួរឲ្យអាណោចអាធម្ម ។ រីឯសាកសពត្រូវបានអាជា្ញធរយកទៅតម្កល់ទុក្ខនៅវត្ត អន្លង់វែង ដើម្បីរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី ឯអ្នករបួសបានបញ្ជូនចូលមន្ទីរពេទ្យបង្អែកស្រុកអន្លង់វែង ៕
