ខេត្តពោធិ៍សាត់៖ ដីចំនួនប្រហែល២០០ហិកតាប្រជាពលរដ្ឋ៤៦គ្រួសារត្រូវបានក្រុមហ៊ុនតូច ហៀវយកដាំដំណាំរីឯឯកឧត្តម ម៉ៅ ធនិន្ន អភិបាលនៃគណអភិបាលខេត្តពោធិសាត់បានសន្យាដោះស្រាយ ប៉ុន្តែថ្ងៃទី១០ខែសីហា ឆ្នាំ២០១៥មិនទាន់មានលទ្ធផលនៅឡើយ ទីតាំងដីទំនាស់នៅក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញខេត្តពោធិ៍សាត់ ។
ប្រភពប្រជាពលរដ្ឋក្នុង៤៦គ្រួសារបានអោយដឹងថា ដីនៅកន្លែងកើតហេតុ ដែលមានទំនាស់កាលពីសម័យសមារណកម្មជារបប(ខ្មែរក្រហមផ្តាច់ខ្លួន)ប្រជាពលរដ្ឋមករស់នៅខ្លះមាន៥ហិកតាខ្លះមាន៣ហិកតា ។ លុះឆ្នាំ២០០៨ ក្រុមហ៊ុនតូចហៀវបានមកបើកកសិដ្ឋានចិញ្ចឹមគោ (កាលលោក អ៊ុង សាមី អភិបាលខេត្ត) ពេលនោះ ក៏មិនទាន់មានទំនាស់ ក្រោយមកក្រុមហ៊ុនតូចហៀវបានទំនាក់ទំនងក្រុមហ៊ុនល្ហុងប្រេង ដាំដើមល្ហុងប្រេង លួចដីប្រជាពលរដ្ឋ ហើយបានចុះដុតរុះរើផ្ទះប្រជាពលរដ្ឋ ពេលប្រជាពលរដ្ឋប្តឹងមន្ត្រីផ្សេងៗ និងអ្នកយកព័ត៌មាន ខាងក្រុមហ៊ុនតូចហៀវបានសន្យាសងដីជូនប្រជាពលរដ្ឋនិងជួយសាងសង់សាលារៀនជូនប្រជាពលរដ្ឋផងដែរ ។
លុះឆ្នាំ២០១៤ ប្រជាពលរដ្ឋបានប្តឹងទៅឯកឧត្តម ម៉ៅ ធនិន្ន អភិបាលខេត្តពោធិ៍សាត់ទើបឡើងកាន់តំណែងថ្មី លោកអភិបាលខេត្តជាដំបូងក៏ខិតខំស្វះស្វែងរកដំណោះស្រាយដែរ ហើយក្រុមហ៊ុនតូចហៀវក៏បានសន្យាសងដីដល់ប្រជាពលរដ្ឋ នៅខែមីនាឬខែមេសាឆ្នាំ២០១៥ ប៉ុន្តែមិនឃើញដំណោះស្រាយដដែល ។ លុះដល់ ខែសីហា ឆ្នាំ២០១៥ ក្រុមហ៊ុនបានដាំដំណាំដំឡូងមីលើដីប្រជាពលរដ្ឋ៤៦គ្រួសារទៀត ពេលខាងប្រជាពលរដ្ឋហៅអ្នកយកព័ត៌មានមកធ្វើការផ្សព្វផ្សាយ លោកអភិបាលខេត្តសុំមិនអោយផ្សាយ និងពន្យាពេលដោះស្រាយបន្ត ។ នៅសប្តាហ៍ទី១ ដើមខែសីហា លោកអភិបាលបានអោយក្រុមហ៊ុនដៅស្រាយជូនប្រជាពលរដ្ឋមែន ប៉ុន្តែខាងក្រុមហ៊ុនបានយកដីប្រជាពលរដ្ឋក្នុងភូមិកើតហេតុដែលពាក់ព័ន្ធនិងក្រុមហ៊ុនតូចហៀវយកមកអោយប្រជាពលរដ្ឋមានទំនាស់៤៦គ្រួសារ គឺដោះស្រាយមិនចេញដដែល ។
កាលល្ងាចថ្ងៃទី០៣ ខែ០៨ ឆ្នាំ២០១៥ឯកឧត្តម ម៉ៅ ធនិន្ន អភិបាលខេត្តពោធិ៍សាត់បានសន្យាដោះស្រាយស្វែងរកដីទំនាស់ជូនប្រជាពលរដ្ឋ៤៦គ្រួសារនៅក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញប្រកដមឬន ដោយមិនទាន់អោយអ្នកយកព័ត៌មានធ្វើការផ្សព្វផ្សាយ ។
មតិរិះគន់បានអោយដឹងថា ឯកឧត្តម ម៉ៅ ខនិន្ន អភិបាលខេត្តពោធិសាត់ ពិតជាល្អដែលជួយពលរដ្ឋ ប៉ុន្តែហេតុអ្វីមិនអោយអ្នកព័ត៌មានធ្វើការផ្សព្វផ្សាយទង្វើអាក្រក់របស់ក្រុមហ៊ុនតូចហៀវ ដែលធ្វើបាបប្រជាពលរដ្ឋរបស់ខ្លួន ឬក៏មានការសែនព្រេនធំជាង ៕
