បន្ទាយមានជ័យ ៖ បុរសម្នាក់និងថ្នាំញៀន ២ កូនថង់ត្រូវអាវុធហត្ថខេត្តបន្ទាយមានជ័យ កសាងសំណុំរឿងពីបទរក្សាទុក និងជួញដូរខុសច្បាប់ នូវសារធាតុញៀនបញ្ជូនទៅតុលាការ នាព្រឹកថ្ងៃទី១០ ខែសីហា ឆ្នាំ ២០១៥ ចាត់ការតាមនិតិវិធី ។
បុរសសង្ស័យត្រូវកម្លាំងអហក្រុងប៉ោយប៉ែត ដឹកនាំដោយលោកអនុសេនីយ៍ឯក ជា ដា មេបញ្ជាការមូលដ្ឋាន ចុះល្បាតការពារសន្តិសុខសណ្ដាប់ធ្នាប់ ឃាត់ខ្លួននៅវេលាម៉ោង 22 និង 30 នាទី ថ្ងៃទី ០៨ សីហា ឆ្នាំ ២០១៥ ចំណុចមុខវត្តបាលិលេយ្យ ស្ថិតក្នុងភូមិក្បាលស្ពាន ២ សង្កាត់ និងក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចអាវុធហត្ថខេត្តបានអោយដឹងថា បុរសសង្ស័យម្នាក់ដែលឃាត់ខ្លួនមានឈ្មោះ ងួន រ៉ាវី អាយុ ២៣ឆ្នាំ មានស្រុកកំណើតនៅភូមិ ជ្រោយស្ដៅ ឃុំជ្រោយស្ដៅ ស្រុក ថ្មគោល ខេត្ត បាត់ដំបង។បច្ចុប្បន្ន រស់នៅភូម បាលិលេយ្យ២សង្កាត់និងក្រុងប៉ោយប៉ែត ខេត្តបន្ទាយមានជ័យ ដកហូតគ្រឿងញៀនខេ ទឹកកកចំនួន២កូនថង់តូច ដែលនៅក្នុងហោប៉ាវខោជនសង្ស័យ ។ បន្ទាប់មកកំលាំង អ ហ បាននាំខ្លួនជនសង្ស័យមកកាន់មូលដ្ឋានកងរាជអាវុធក្រុងដើម្បីធ្វើការសាកសួរ ។
ជនសង្ស័យ ងួន រ៉ាវី បានឆ្លើយសារភាពថា រូបគេបានទិញគ្រឿងញៀនពីឈ្មោះ ហុងភេទ ប្រុស អាយុ ប្រហែល ២៣ឆ្នាំមានទីលំនៅ ម្ដុំក្រោយវត្តបាលិលេយ្យ ក្នុងភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យ។
ជនសង្ស័យ ងួន រ៉ាវី បានបន្តទៀតថា គ្រឿងញៀន ដែលរូបគេទិញចំនួន២កូនថង់មានតម្លៃ១៤ម៉ឺនរៀល ដើម្បីយកមកប្រើប្រាស់ជាមួយមិត្តភក្តិ។
បច្ចុប្បន្ន ជនសង្ស័យនិងវត្ថុតាងសមត្ថកិច្ច អ ហ កំពុងកសាងសំណុំរឿងបញ្ជូនទៅតុលាការ ចាត់ការតាមនិតិវិធីច្បាប់ និងស្រាវជ្រាស្វែងរកចាប់ខ្លួនជនសង្ស័យពាក់ព័ន្ធយកមកផ្តន្ទាទោសតាមផ្ឡូវច្បាប់ ៕
