ខេត្តបន្ទាយមានជ័យ ៖ គ្រួសាររងគ្រោះដោយសារក្រុមចោរ ៣ នាក់វាយប្លន់យកមាសប្រាក់គ្រឿងអលង្កា និងម៉ូតូ ត្រូវលោកឧត្តមសេនីយ៍ អាត់ ខែមស្នងការនគរបាលចុះទៅសួរសុខទុក្ខ និងផ្តល់អំណោយ ជាថវិកា មួយចំនួនជូន និងសន្យាតាមចាប់ខ្លួនជនសង្ស័យយកមកផ្តន្ទាទោសតាមផ្លូវច្បាប់ ពេលកំពុងសម្រាកព្យាបាល នៅមន្ទីរពេទ្យបង្អែក ស្រុកព្រះនេត្រព្រះកាលពីព្រឹកថ្ងៃទី៨ ខែសីហា ឆ្នាំ២០១៥ ។
គួររំលឹកផងដែរ៖កាលពីម៉ោងប្រមាណ១១យប់ថ្ងៃទី៧ខែសីហាឆ្នាំ២០១៥មានក្រុមចោរ៣នាក់ មិនស្គាល់សាវតា ប្រដាប់ដោយកាំភ្លើង អាកាមួយដើម បានចូលទៅវាយធ្វើបាបម្ចាស់ផ្ទះឈ្មោះ ថោង ចុង អាយុ៥៤ឆ្នាំ និងប្រពន្ធឈ្មោះ ភូ រឿង អាយុ៥៤ឆ្នាំ ស្ថិតនៅភូមិរំដួល ឃុំភ្នំលៀប ស្រុកព្រះនេត្រព្រះ ។ ក្រោយវាយធ្វើបាបម្ចាស់ផ្ទះ ក្រុមចោរបានប្រមូលយកម៉ូតូ ២ គ្រឿង ប្រាក់ខ្មែរ៥០០០០ម៉ឺនរៀល ទូរស័ព្ទ២គ្រឿង ខ្សែ ក ផ្លាទីន ២ ខ្សែ ចិញ្ចៀនផ្លាទីន ៤ វង់ក្រវិលផ្លាទី ១ គូ ក្រវិលមាស១គូទម្ងន់១ជី ។
លោកឧត្តមសេនីយ៍ អាត់ ខែមស្នងការនគរបាលការខេត្ត បន្ទាប់ពីសួរសុខទុក្ខជនរងគ្រោះរួចបានសន្យានិងដាក់កម្លាំងចុះស្រាវជ្រាវតាមស្វែងរកជនសង្ស័យក្រុមចោរប្លន់យកមផ្តន្ទាទោស តាមផ្លូវច្បាប់ខានទាល់តែបាន ៕
