បាត់ដំបង ៖ ម្ចាស់ផ្ទះ ៥ នាក់របួសធ្ងន់ដោយក្រុមចោរប្រើកាំភ្លើងវែងខ្លីនិងដែកស្បែង កាត់លួសរបង ចូលវាយប្លន់យកអស់ជាច្រើនគេចខ្លួនបាត់ កាលពីម៉ោង៨ និង៣០នាទី យប់ថ្ងៃទី០៦ ខែសីហា ឆ្នាំ២០១៥ នៅភូមិព្រៃចែក ឃុំកំពង់ព្រះ ស្រុកសង្កែ ខេត្តបាត់ដំបង ហើយកូនប្រុសម្នាក់គេចខ្លួនទូរស័ព្ទហៅសមត្ថកិច្ចជួយអន្តរាគមន៍។
ឈ្មោះ គីម សុភាព អាយុ២៣ឆ្នាំ របរគ្រូពេទ្យត្រូវជាប្អូនប្រុស ស្ត្រីរងគ្រោះ (ឈ្មោះ ហួន សុគុណ) បានអោយដឹងថា នៅពេលក្រុមចោរ ៣ នាក់ចូលមកពាក់ខោរអាវស៊ីវិល ហើយពួកវាកាន់កាំភ្លើងវែងខ្លីភ្ជង់រ៉េទៅលើមនុស្សនៅក្នុងផ្ទះ ខ្លួនឃើញសកម្មភាពបែបនេះ ក៏រត់ឡើងលើផ្ទះសំងំពួនទូរស័ព្ទហៅសមត្ថកិច្ច ក្រោយពីពួកវាវាយអ្នកផ្ទះអោយរបួស និងសន្លប់រួច ប្រមូលមាសប្រាក់ហើយបាញ់២គ្រាប់ បន្ទាប់មកគេចខ្លួនតាមទ្វារក្រោយ ដែលវាចូលមក ។ ភ្លាមនោះ សមត្ថកិច្ចអាវុហត្ថ និងនគរបាលបានទៅដល់ជួយដឹកជញ្ជូនអ្នករងគ្រោះទៅមន្ទីរពេទ្យ ហើយវាយអាយកូមខ្វាត់ខ្វែងអោយជួយស្ទាក់ចាប់មុខសញ្ញចោរប្លន់ តែលទ្ធផលមិនទាន់ឃើញនៅឡើយ។
ឈ្មោះ គីម សុភាព បានបន្តថា ម្ចាស់ផ្ទះដែលរងគ្រោះមានទី១ ឈ្មោះ គីម ភួន អាយុ ៥៨ ឆ្នាំចោរចងដៃចងជើងជាប់ ហើយយកដែកស្បែងវាយចំស្មាខាងស្តាំ ទី២ ឈ្មោះ ម៉ៃ មុំ (ទិត្យ ព្រឿត) អាយុ ៥៩ ឆ្នាំ ត្រូវជាប្រពន្ធ(គីមភួន)ចោរវាយបែកក្បាល ។ ទី៣ កូនស្រីឈ្មោះ ភួន សុគុណ អាយុ៣៣ឆ្នាំ របរចងការប្រាក់ និងលក់ត្រីនិងលក់ស្រូវ ចោរវាយត្រូវ ៦ ដែកស្បែង របួសក្បាលស្មាមុខដៃ និងត្រកៀក រហូតសន្លប់ ។ ទី៤ ឈ្មោះ ស៊ុំ ភី ភេទ ប្រុសអាយុ ៣៨ ឆ្នាំ ត្រូវជាកូនប្រសារចោរចងស្លាបសេកហើយវាយ ១ ដែកស្បែង បណ្តាលឲ្យផុងលលាដ៍ក្បាលដួលសន្លប់បាត់ស្មារតី ។ ទី៥ កូនប្រុសឈ្មោះ ហួន សុខហេង អាយុ២៥ឆ្នាំ ចោរវាយ ៣ ដែកស្បែងត្រូវក ក្បាលបែករហូតសន្លប់ ។ ទ្រព្យសម្បត្តិ ដែលចោរយករបស់បងស្រីឈ្មោះ ហួន សុគុណ មានប្រាក់ខ្មែរ ២០ លានរៀល មាស ១០ តម្លឹង ប្រាក់ថៃ ៣០ ម៉ឺនបាត ប្រាក់អាមេរិក ២ ម៉ឺនដុល្លា ។ ទ្រព្យសម្បត្តិម្តាយឈ្មោះ ម៉ៃ មុំ (ទិត្យ ព្រឿត) បាត់អស់១៦ម៉ឺនបាត និងប្រាក់អាមេរិក ៥ ពាន់ដុល្លា និងគ្រឿងអលង្កា ៣ តម្លឹង ។ ចំណែកក្រុមចោរ ៣ នាក់ពាក់ម៉ាស់មើលមុខមិនស្គាល់ប្រដាប់ដោយកាំភ្លើងវែង១ដើម ខ្លី១ដើមនិងដែកស្បែង១ដើម ។
ស្ត្រីរងគ្រោះឈ្មោះ ភួន សុគុណ កំពុងព្យាបាលនៅមន្ទីរពេទ្យបានអោយដឹងថា នៅយប់កើតហេតុទ្វាផ្ទះបានបិតស្ទើរជិតអស់ នៅតែទ្វា១ចំហៀង ដោយប្អូនប្រុសឈ្មោះ ហួន សុខហេង កំពុងងូតទឹកក្រៅផ្ទះ ពេលឃើញចោលចូល តាមផ្លូវក្រោយផ្ទះស្រែក ចោរមកដល់បានវាយប្អូនប្រុស និងដែកស្បែងរហូតសន្លប់ រួចវាបន្តមកដល់ក្នុងផ្ទះភ្ជង់ខ្លួន(ភួនសុគុន) អោយយកសោរផ្ទះចាក់ចូលទូរប្រាក់យកអោយវា ដោយសោរច្រើនពេកចាក់មិនត្រូវភ្លាមៗពួកចោរបានវាយខ្លួននិងដែកស្បែងពួកវាក៏យកដែកស្បែងគាស់ទុរយកមាសប្រាក់ហើយវាយថែមខ្លួនដល់សន្លប់។
នៅព្រឹកថ្ងៃទី៧ ខែសីហា ឆ្នាំ២០១៥សមត្ថកិច្ចចុះទៅធ្វើកោសលវិច័យ និងកំណត់មុខសញ្ញាដើម្បីស្រាវជ្រាវឃាត់ខ្លួនជនសង្ស័យយកមកផ្តន្ទាទោសតាមផ្លូវច្បាប់ ៕
