ខេត្តបន្ទាយមានជ័យ ៖ ផ្ទុះស្សេខ្សែភ្លើងឆេះផ្ទះអាជីវករលក់ជី និងគ្រឿងយន្តកសិកម្មមួយខ្នង បំផ្លាញទ្រព្យសម្បត្តិប្រហែល២០ម៉ឺនដុល្លា កាលពីម៉ោងម៉ោង២១និង១០នាទី យប់ថ្ងៃទី៤ ខែសីហា ឆ្នាំ ២០១៥ នៅភូមិភ្នំតូចត្បូងឃុំភ្នំតូចស្រុកមង្គលបូរី។
លោក ហោ សំណាត់ អធិការរងយុត្តិធម៌បានអោយដឹងថា ផ្ទះដែលភ្លើងឆេះសង់ពីថ្មប្រក់សង្ក័សី មានទំហំ ១២ ម៉ែត គុណ ១៤ ម៉ែត្រ ម្ចាស់ផ្ទះឈ្មោះ អ៊ឹម កុសល់ ហៅទ្បុញភេទប្រុស អាយុ៣៤ឆ្នាំ និងប្រពន្ធឈ្មោះអ៊ុង ចាន់នៀត អាយុ២៦ឆ្នាំ។ ការខូចខាតគិតជាទឹកប្រាក់ប្រមាណជា២០ម៉ឺនដុល្លា។
ក្នុងករណីខាងលើ លោកស្នងការបានបញ្ជូនរថយន្តសង្គ្រោះអគ្គីភ័យចំនួន ២ គ្រឿង និងកងកំលាំងនគរបាលខេត្តស្រុក និងរថយន្តដឹកទឹករបស់លោកមេឃុំភ្នំតូច ១គ្រឿង បានធ្វើការជួយពន្លត់មិនអោយឆេះរាលដាលដល់ផ្ទះអ្នកដ៏ទៃ រហូតដល់ម៉ោង ២៣ និង៤២ នាទី ទើបរលត់អស់ ៕
