ខេត្តបន្ទាយមានជ័យ ៖ អាវុធហត្ថក្រុងប៉ោយប៉ែត កសាងសំណុំរឿងបញ្ជូនយុវជនម្នាក់និងថ្នាំញៀនយ៉ាម៉ា២០គ្រាប់ និងសម្ភារៈមួយចំនួនទៀត ពីបទជួញដូរនូវសារធាតុញៀនខុសច្បាប់ទៅតុលាកាកាលរសៀលថ្ងៃទី៤ខែសីហាឆ្នាំ២០១៥ចាត់ការតាមនិតិវិធី។
យុវជនសង្ស័យម្នាក់ត្រូវកម្លាំងអាវុធហត្ថក្រុងប៉ោយប៉ែត ដឹកនាំដោយលោកអនុសេនីយ៍ឯក ជា ដា មេបញ្ជាការ អហ ក្រុងប៉ោយប៉ែត កំពុងចុះល្បាត ហើយឃើញក្រុសង្ស័យកំពុងអង្គុយជុំគ្នា រួចចុះចាប់រីឯបក្ខពួកបានរត់គេចខ្លួនបាត់ កាលពីថ្ងៃទី ២ ខែសីហា ឆ្នាំ២០១៥ នៅចំណុចភូមិក្បាលកោះ សង្កាត់និងក្រុងប៉ោយប៉ែត ខេត្តបន្ទាយមានជ័យ ។
អាវុធហត្ថក្រុងប៉ោយប៉ែតបានអោយដឹងថាយុវជនសង្ស័យដែលសមត្ថកិច្ចឃាត់ខ្លួន ឈ្មោះ ពៅ ធី ហៅ ហួរ អាយុ១៧ឆ្នាំ មានស្រុកកំនើត ស្រុក មោងឬស្សី ខេត្តបាត់ដំបង មានទីលំនៅបន្ទប់ជួលក្នុងភូមិក្បាលកោះ សង្កាត់និងក្រុងប៉ោយបែត ខេត្ត បន្ទាយមានជ័យ។វត្ថុតាងដែលដកហូតបានមានថ្នាំញៀនយ៉ាម៉ាចំនួន២០គ្រាប់ និងលុយខ្មែរ៣៧ម៉ឺនរៀល លុយបាតចំនួន ៧៣០បាតនិងលុយដុល្លាចំនួន ១៥ដុល្លា។
ក្រោយពីការសាកសួរ ជនសង្ស័យបានឆ្លើយសារភាពថា រូបគេពិតជាបានប្រព្រឹត្តអំពើជួញដូរគ្រឿងញៀន កាលពីថ្ងៃទី ០២.០៨.២០១៥នៅចំណុចភូមិក្បាលកោះសង្កាត់និងក្រុងប៉ោយប៉ែត ខេត្ត បន្ទាយមានជ័យពិតប្រាកដមែន។
អាវុធហត្ថក្រុងប៉ោយប៉ែតបានបញ្ជាក់ថាយុវជនសង្ស័យនិងថ្នាំញៀនយ៉ាម៉ា២០គ្រាប់និងសម្ភារៈមួយចំនួនទៀត ត្រូវបានបញ្ជូនទៅតុលាការ រីឯបក្ខពួកជនសង្ស័យសមត្ថកិច្ចកំពុងធ្វើការស្រាវជ្រាវស្វែងរកចាប់ខ្លួនយកមកផ្តន្ទាទោសតាមផ្លូវចប្បាប់៕
