ខេត្តបន្ទាយមានជ័យ ៖ លោកឧត្តមសេនីយ៍ ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ និងក្រុម ការងារជាច្រើននាក់ បាននាំយកថវិកា និងអង្ករជីជូនចាស់ជរា គ្មានទីពឹង និងកូនស្រីពិការដៃម្ខាងនិងផ្ទុកមេរោគអេដស៍ ព្រមទាំងចៅសតិមិនគ្រប់ដោយផ្ទាល់ដៃនៅព្រឹកថ្ងៃទី១ ខែសីហា ឆ្នាំ២០១៥ នៅភូមិស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ។
លោក ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ និងជាក្រុមការងារចុះជួយស្រុកមង្គលបូរីបាននិយាយថាឈ្មោះខៀវអាំ អាយុ៧៨រស់នៅភូមិឃុំខាងលើនេះ សព្វថ្ងៃរស់នៅយ៉ាងកណ្តោចកណ្តែងជាមួយកូននិងចៅស្រីដែលកំពុងមានជំងឺប្រចាំកាយមិនអាចចេញទៅប្រកបមុខរបចិញ្ចឹមជីវិតដោយខ្លួនឯងបានឡើយ ។ រាល់ថ្ងៃគាត់ពឹងពាក់តែសំណល់ពីចង្ហាន់ព្រះសង្ឃ និងដើររកបេះបន្លែបន្តិចបន្ទួចនៅតាមភូមិសំរាប់យកមកបបរហូបតែប៉ុណ្ណោះ ។ ដោយមើលឃើញការរងទុក្ខរបស់លោកយាយខ្លាំងពេក ទើបលោក ឱ បូរិន្ទ និងក្រុមការងារចុះជួយឃុំស្រះរាំងបានយកអំណោយទៅចែកជូនលោកយាយដោយផ្ទាល់ដៃមានលុយចំនួន៧០ម៉ឺនរៀល និងអង្ករ២ការុង ហើយនៅក្នុងនោះដែរ លោកនិងក្រុមការងារធ្វើការឧប្ថម្ភដល់គ្រួសារលោកយាយក្នុងមួយខែ អង្ករមួយការរ៉ុងនិងថវិការ១០ម៉ឺនរៀលជារៀងរាល់ខែទៀតផង ។ លោក ឱ បូរិន្ទ បាននិយាយបន្តថា ជារៀងរាល់ខែលោកតែងតែយកអំណោយទៅចែកជូនដល់ជនក្រីក្រ មេម៉ាយគ្មានទីពឹង និងជនដែលមានកូនច្រើននិងគ្មានមុខរបប ដោយមិនប្រកាន់និនាការនយោបាយនោះឡើយ ។
លោកយាយ ខៀវ អាំ ដោយមើលឃើញនូវអំពើល្អរបស់លោកឧត្តមសេនីយ៍ ត្រីឱបូរិន្ទនិងក្រុមការងារចុះជួយឃុំស្រះរាំងលោកយាយបានលើកម្រាមដៃដប់សូមបួងសួងដល់វត្ថុសក្តិ សិទ្ទិដែលមាននៅក្នុងលោកសូមជួយបីបាច់ថែរក្សាដល់អស់លោកឲ្យជួបប្រទះ និងតែសេចក្តីសុខ សុខភាពល្អ និងអាយុយ៉ឺនយូរ ៕
