ខេត្តប៉ៃលិន ៖ សាខាគយ និងរដ្ឋាករខេត្តប៉ៃលិន បានចាប់ម៉ូតូអត់ពន្ធ៩គ្រឿង ដើម្បីអោយបង់ពន្ធជូនរដ្ឋ និងប្រមូលពន្ធសម្រាប់ឆមាសទី ១ បានច្រើនលើសផែនការ គឺ ៧៥៦០ លានរៀល គិតត្រឹមថ្ងៃទី១៦ ខែកក្កដា ឆ្នាំ ២០១៤ ។
លោក អ៊ុក វណ្ណច័ន្ទ ប្រធានសាខាគយ និងរដ្ឋាករខេត្តប៉ៃលិន បានអោយដឹងថា នៅថ្ងៃទី១៦ ខែកក្កដា ឆ្នាំ២០១៤ កម្លាំងគយបានចុះចាប់ម៉ូតូអត់ពន្ធបានចំនួន ៩ គ្រឿង មានម៉ាកហ្វីនណូម៉ាកស្កូពី និងម៉ាកឃ្លីក នៅក្នុងខេត្តដើម្បីអោយបង់ពន្ធជូនរដ្ឋ ។ ក្រោមកំណែទម្រង់ស៊ីជម្រៅ របស់រាជរដ្ឋាភិបាល លើវិស័យប្រមូលពន្ធដាក់ផែនការ ប្រមូលពន្ធនៅឆមាសទី១ អោយបានប្រាក់ចំនួន៦១៨០លានរៀល រហូតមកដល់ពេលនេះ ការអនុវត្តប្រមូលព័ន្ធបាលច្រើនលើសពីផែនការ គិតត្រឹមថ្ងៃទី១៦ខែកក្កដាឆ្នាំ២០១៤បានចំនួន៨៣៧៦០លានរៀល ។
ការប្រមូលពន្ធបានច្រើននេះទី១ពន្ធលើគ្រឿងចាហួយនិងភេសជ្ជៈបានចំនួន៥០លានរៀលទី២ពន្ធលើគ្រឿងយន្តគ្រឿងដែកបានចំនួនជាង៧០០លានរៀលនិងមានប្រជាពលរដ្ឋមករកស៊ីច្រើនជាងមុននិងមានការទំនាក់ទំនងល្អជាមួយប្រទេសជិតខាង។កាលពីមុនរដ្ឋាភិបាលកំណែទម្រង់ការប្រមូលពន្ធសរុបបានត្រឹមតែ២០០លានរៀលប៉ុណ្ណោះនេះដោយសារការយោគយល់តំបន់សម្មារណ៍កម្មលើកលែងពន្ធនិងមិនសូវមានក្រុមហ៊ុនឬអ្នករកស៊ីចូលមករកស៊ីនៅតំបន់នេះ។
មិនតែប៉ុណ្ណោះទីស្នាក់ការសាខាគយនិងរដ្ឋាករខេត្តប៉ៃលិនបានដាំដុះដំណាំហូបផ្លែដំណាំសំរាប់ធ្វើម្ហូបចិញ្ជឹមមាន់ទាក្ងានគោជ្រូកដើម្បីទុកហូបអង្គភាពផ្ទាល់ខ្លួននិងទុកជួយទ្រទ្រង់ក្នុងកម្មវិធីទំនាក់ទំនងភ្ញៀវជាតិនិងអន្តជាតិហូបផងដែរជាពិសេសនោះគឺភ្ញៀវនិងសមត្ថកិច្ចប្រទេសថៃឧស្សហ៍មកទំនាក់ទំនងការងារ។
លោក អ៊ុក វណ្ណច័ន្ទ ប្រធានសាខាគយនិងរដ្ឋាករខេត្តប៉ៃលិនបានប្តេជ្ញាចិត្តថា ខិតខំប្រឹងប្រែងអោយអស់ពីសមត្ថភាពដើម្បីប្រមូលពន្ធជូនរដ្ឋនិងសហការល្អជាមួយមន្ទីរក្នុងខេត្តប៉ៃលិននិងទំនាក់ទំនងជាមួយប្រទេសជិតខាងអោយកាន់តែប្រសើរនិងស្វែងរកអ្នកវិនិយោគអោយមករកស៊ីនៅតំបន់នេះអោយបានច្រើនតទៅទៀតដើម្បីចូលរួមចំណែកកសាងនិតិរដ្ឋទៅថ្ងៃអនាគត ៕
