បាត់ដំបង ៖ ឪពុកតិរិច្ឆានពេលផឹកស៊ីស្រវឹងម្តងៗ និងចាក់រឿងស៊ិចមើលតណ្ហាឡើង ចាប់រំលោភកូនស្រីបង្កើត ២ នាក់បានសម្រេចចំនួន ១០ ដង បន្ទាប់ពីប្រពន្ធស្លាប់ចោល ២ ឆ្នាំ ពេលរំលោភកូនស្រីពៅនៅយប់ថ្ងៃទី១៤ ខែកក្កដា ឆ្នាំ២០១៥ នាងរត់ចេញក្រៅផ្ទះស្រែកហៅអ្នកភូមិជួយទើបបែកការ ។
បុរសសង្ស័យត្រូវកម្លាំងនគរបាលស្រុកឯកភ្នំឃាត់ខ្លួន កាលម៉ោង១៨ យប់ថ្ងៃទី១៦ ខែកក្កដា ឆ្នាំ២០១៥ នៅផ្ទះភូមិដូនឥន្ទ ឃុំព្រែកហ្លួង ស្រុកឯកភ្នំ ខេត្តបាត់ដំបង ។
លោក ឡោម ឡាន នាយផ្នែកព្រហ្មទ័ណ្ឌស្រុកឯកភ្នំបានអោយដឹងថា បុរសសង្ស័យដែលរំលោភកូនបង្កើតមានឈ្មោះ នន់ ផល អាយុ៤៦ឆ្នាំ របរជាអ្នកនេសាទ ។ កូនស្រីរងគ្រោះទី១ ឈ្មោះ ផស អាយុ៩ឆ្នាំ និងកូនស្រីទី២ឈ្មោះផលអាយុ ៧ ឆ្នាំ ។
កូនស្រីរងគ្រោះទាំង ២ នាក់បានអោយដឹងថា ឪពុកបានចាប់រំលោភពួកខ្លួនបានចំនួន១០ដងហើយ ។
បុរសសង្ស័យឪពុកតិរិច្ឆានបានសារភាពថា ខ្លួនពិតជាបានចាប់រំលោភកូនមែន គឺ ចំនួន៥ដង ហើយមិនបានស៊ីជម្រៅទេ ។
លោក ឡោម ឡាន នាយផ្នែកព្រហ្មទ័ណ្ឌស្រុកឯកភ្នំ បានបញ្ជាក់ថា ជនសង្ស័យត្រូវបានកសាងសំណុំរឿងបញ្ជូនពីបទរំលោភសេពសន្ថវៈលើកុមារ បញ្ជូនទៅស្នងការដ្ឋានខេត្តបន្តទៅតុលាការចាត់ការតាមនិតិវិធី រីឯកុមាររងគ្រោះត្រូវបានខាងមន្ទីរសង្គមកិច្ចខេត្តទទួលយកទៅថែរក្សាហើយ ៕
