បាត់ដំបង ៖ កាលពីព្រឹកថ្ងៃទី១៦ ខែកក្កដា ឆ្នាំ២០១៥ កងកម្លាំងប្រដាប់អាវុធកម្ពុជាថៃ និងអាជ្ញាធរស្រុកសំពៅលូន បានប្រារព្ធពីធីដាំកូនឈើ មានចំនួន ២០០០ ដើម មានប្រភេទបេង ធ្នង់ រាជ គ្រញូង ដើម្បីរំលឹករុក្ខទិវា ៩ កក្កដា នៅចំណុចដីអធិការដ្ឋាននគរបាលស្រុកសំពៅលូនខេត្តបាត់ដំបង ។
ក្នុងការដាំកូនឈើ មានការចូលរួមកងកម្លាំងយោធាឈុតខ្មៅថៃចំនួន ២៥ នាក់ ដឹកនាំដោយលោក វីរ៉ាត់ ស៊ីភីន មេបញ្ជាការវរៈសេនាធំលេខ ១៣ (ឈជើងក្នុងទឹកដីថៃ) ទល់មុខស្រុកសំពៅលូន លោក ជា សម្បត្តិ អភិបាលស្រុកសំពៅលូន លោក ពេជ្រ សារ៉ែន អធិការស្រុកសំពៅលូន លោក យ៉ម មឿន មេបញ្ជាកាយោធាវរៈការពារព្រំដែនលេខ ៥០៦ លោក ស្រី សុខុន មេបញ្ជាការនគរបាលវរៈការពារព្រំដែនគោកលេខ ៩១៧ លោក អែម សាខន មេបញ្ជាការសឹករងស្រុកសំពៅលូន លោក ឱក វណ្ណរិន្ទ មេបញ្ជាការអាវុធហត្តស្តីទី ស្រុកសំពៅលូន លោកប្រធានច្រកទ្វាអន្តរជាតិភ្នំដី លោកប្រធានគយរដ្ឋាករច្រកទ្វាអន្តរជាតិភ្នំដី លោកប្រធានទំនាក់ទំនងច្រកទ្វាអន្តរជាតិភ្នំដី លោកនាយសង្កាត់រដ្ឋបាលព្រៃឈើ មេឃុំទាំង ៦ ក្នុងស្រុកសំពៅលូន នាយកសាលា និងសិស្សានុសិស្ស សរុបចំនួន ៨៥០ នាក់ ៕
តន់ ប៊ុនថេត
