កម្ពុជា-ថៃ ៖ ប្រទេសថៃមានភាពរាំងស្ងួត បានធ្វើពីធីបាញ់កាំជ្រួចសុំទឹកភ្លៀង តាំងពីថ្ងៃទី៥ ទី៦ ទី៧ ខែកក្កដា ឆ្នាំ២០១៥ ហើយធ្លាក់ចូលទឹកដីកម្ពុជា១១ គ្រាប់ នៅភូមិទួលខ្ពស់និងភូមិបេងទ្រេតឃុំបួរស្រុកភ្នំព្រឹក បណ្តាលអោយធ្លុះដំបូលផ្ទះ ប្រជាពលរដ្ឋម្នាក់ផងដែរ ហើយសមត្ថកិច្ចកម្ពុជាបានស្នើរអើយឈប់បាញ់នៅរសៀលថ្ងៃដដែល។
លោកសារ៉េតវិសេតអធិការរងស្រុកភ្នំព្រឹកបានអោយដឹងនៅយប់ថ្ងៃទី៧ថា ភាគីថៃបានបាញ់កាំជ្រួច សុំទឹកភ្លៀងតាំងពីថ្ងៃទី៥ ទី៦ ទី៧ នៅភូមិថាប់ធីមស្យាម០៥ឃុំ ខ្លងកៃធឿ ស្រុកខ្លងហាត ខេត្តស្រះកែវ ប្រទេសថៃ ចំងាយពីព្រំដែន១០០០ម៉ែត្រ ហើយធ្លាក់ចូលទឹកដីកម្ពុជាប្រហែល៣០០ម៉ែត្រទៅ៦០០ម៉ែត្រ ។ នៅរសៀលថ្ងៃទី៧ ខែកក្កដា ឆ្នាំ២០១៥ គ្រាប់កាំជ្រួច១ចំនួនបានធ្លាក់ត្រូវផ្ទះប្រជាពលរដ្ឋកាំពិត និង១គ្រាប់បានធ្លាក់ចំផ្ទះប្រជាពលរដ្ឋឈ្មោះ ខុន ណុប បណ្តាលអោយធ្លុះដំបូលផងដែរ ។ ក្រោយពីទទួលព័ត៌មានកម្លាំងសមត្ថកិច្ចបានដើរប្រមូលបានគ្រាប់កាំជ្រួចសរុបចំនួន១១គ្រាប់ ហើយស្នើរសុំភាគីថៃអោយឈប់បាញ់បន្តទៀតនៅរសៀលថ្ងៃដដែល ។
លោកអធិការងបានអោយដឹងនៅព្រឹកថ្ងៃទី៨ ខែកក្កដា ឆ្នាំ២០១៥ថា កម្លាំងយោធាថៃ២នាក់ ឈ្មោះ ចាក់ក្រី ឌីកន និងឈ្មោះ ភីឈីត ឃុងរុងរឿង ចំណែកខាងភាគីកម្ពុជាមានកម្លាំងយោធាការពារព្រំដែនគោក៥០៦ នៃកងអនុសេនាធំលេខ ៣ ដឹកនាំដោយលោក អួន សុខឿន មានកម្លាំង៣នាក់ និងកម្លាំងប៉ុស្តិ៍រដ្ឋាបាលភ្នំព្រឹក ដឹកនាំដោយលោក ជា ឈីម មានកម្លាំង៥នាក់ ជួបពិភាក្សា គ្នានិងចុះពិនិត្យផ្ទះប្រជាពលរដ្ឋខ្មែរ ដែលរងគ្រោះ ដោយគ្រាប់កាំជ្រួច ដើម្បីជួសជុលសងតាមនិតិវិធី ៕
សុខកុសល
