បាត់ដំបង ៖ ម្តាយជនរងគ្រោះក្នុងរឿងឃាតកម្ម (កាលពីម៉ោង២៣យប់ ថ្ងៃទី២៤ ខែធ្នូ ឆ្នាំ២០១៤ នៅចំណុចផ្លូវលេខ១(មុខវិហារចិន) ភូមិ២០ ឧសភា សង្កាត់ស្វាយប៉ោ ក្រុងបាត់ដំបង) ទទួចអោយអ្នកច្បាប់ជួយរកយុត្តិធម៌ ព្រោះកូនស្លាប់មិនមានសំណង រីឯជនបង្កដើរអួតអាងពេញភូមិ មិនអាចជាប់គុក ព្រោះពួកគេចេះបង្វែរសំណុំរឿង ។
អ្នកស្រីឈ្មោះ តិច ហេង អាយុ៤៨ឆ្នាំរស់នៅក្រុមទី២៥ ភូមិសង្កាត់ទួលតាឯក ក្រុងបាត់ដំបង ត្រូវជាម្តាយជនរងគ្រោះបានអោយដឹងកាលរសៀលថ្ងៃទី០៣ ខែកក្កដា ឆ្នាំ២០១៥ ថា កូនប្រុសឈ្មោះ ហៀង រ៉ាឌី អាយុ២៥ឆ្នាំ របរជាងជួសជុលរថយន្តត្រូវយុវជនម្នាក់ឈ្មោះ ហង្ស មុនាថ ហៅវ៉ា របរលក់ប្រហិត និងឈ្មោះវ៉ិត (ជាអ្នកបើកបររថយន្តអោយឈ្មោះហង្សមុនាថ)រស់នៅផ្ទះជាមួយគ្នា ក្រុមទី៦ភូមិសង្កាត់ទួលតាឯកក្រុងបាត់ដំបងបានធ្វើសកម្មភាពវាយលើជនរងគ្រោះកាលពីម៉ោង២៣យប់ថ្ងៃទី២៤ខែធ្នូឆ្នាំ២០១៤នៅចំណុចផ្លូវលេខ១(មុខវិហារចិន)ភូមិ២០ឧសភាសង្កាត់ស្វាយប៉ោក្រុងបាត់ដំបង បណ្តាលអោយរងរបួសធ្ងន់ពេលដឹកទៅព្យាបាលនៅពេទ្យអ៊ិម៉ឺជេស្ស៊ីដល់ថ្ងៃទី៣០ខែធ្នូឆ្នាំ២០១៤ជនរងគ្រោះស្លាប់
ខណៈពេលនោះខ្លួនជាម្តាយក៏បានដាក់បណ្តឹងទៅអធិការដ្នាននគរបាលក្រុងនិងអាវុធហត្ថក្រុបាត់ដំបងសុំកិច្ចអន្តរាគមន៍ទាសំណងដើម្បីសងថ្លៃព្យាបាលអោយមន្ទីរពេទ្យនិងរកយុត្តិធម៌ដែរ តែរហូតពេលនេះមិនទាន់បានទទួលដំណឹងសោះ។
ពាក់ព័ន្ធករណីនេះ លោក យឹម វិចិត្រ អធិការក្រុងបាត់ដំបងបានអោយដឹងថា ករណីអំពើឃាតកម្មនៅចំណុចផ្លូវលេខ១ (មុខវិហារចិន) ភូមិ២០ឧសភា សង្កាត់ស្វាយប៉ោ ក្រុងបាត់ដំបង កាលពីម៉ោង២៣ យប់ថ្ងៃទី២៤ ខែធ្នូ ឆ្នាំ២០១៤សមត្ថកិច្ចទទួលព័ត៌មានយឺតយ៉ាវបន្តិច ធ្វើអោយជនសង្ស័យរត់គេចខ្លួនបាត់ ។ ចំណែកសំណុំរឿងនោះ សមត្ថកិច្ចបានបញ្ជូនទៅកាន់តុលាការជាយូរមកហើយ បច្ចុប្បន្ន សមត្ថកិច្ចកំពុងរងចាំតែតុលាកាចេញដីកា ដើម្បីស្វែងរកចាប់ខ្លួនជនសង្ស័យប៉ុណ្ណោះ ។
លោក សំ វិឡុង មេបញ្ជាការរងអាវុធហត្ថក្រុងបាត់ដំបងបានអោយដឹងថា រូបលោកបានទទួលបណ្តឹងពីសាច់ញាតិជនរងគ្រោះ និងកសាងសំណុំរឿងអំពើឃាតកម្មខាងលើនេះបញ្ជូនទៅកាន់តុលាករួចរាល់ ហើយមិនបានបិតបាំងព័ត៌មានឡើយ ៕
សុខកុសល
