ខេត្តរតនគីរី ៖ ផ្ទុះសេខ្សែភ្លើងឆេះផ្ទះមន្ត្រីយោធាប្រត្តិបត្តិការសឹករងខេត្តទាំងស្រុង ផ្ទះលក់សម្លចាណាងខណៈម្ចាស់ផ្ទះកំពុងដេកលង់នៅលើផ្ទះ បណ្ដាលអោយរងរបួសធ្ងន់កាលវេលាម៉ោង៣.៤០នាទី រសៀលថ្ងៃទី២៣ ខែមិថុនា ឆ្នាំ២០១៥ ស្ថិតនៅភូមិភ្នំស្វាយ សង្កាត់បឹងកន្សែងក្រុងបានលុងខេត្តរតនគីរី។
ខណៈពេលភ្លើងកំពុងឆាបឆេះខ្លាំងនោះមានរថយន្តពន្លត់អគ្គីភ័យស្នងការខេត្ត១គ្រឿងនិងរថយន្តពន្លត់អគ្កីភ័យព្រលានយន្តហោះខេត្តរតនគីរី១គ្រឿង បានមកជួយអន្តរាគមន៍ ដោយប្រើប្រាស់ទឹកអស់ចំនួន៤រថយន្ត ទើបអាចគ្រប់គ្រងស្ថានការបាន មិនបណ្ដាលអោយឆាបឆេះរាលដាលដល់ផ្ទះអ្នកជិតខាងបន្តទៀត។
ប្រភពពីសមត្ថកិច្ចបានអោយដឹងថាផ្ទុះសេខ្សែភ្លើង នៅជាន់លើ ផ្ទះនេះទំហំប្រម៉ាណជា១០មែត្រគុណ១២ម៉ែត្រ ថ្មក្រោមឈើលើ ប្រក់ស័ង្កសី ត្រូវឆាបឆេះអស់ទាំស្រុង។ ម្ចាស់ផ្ទះឈ្មោះ ថន ធុន អាយុ៥៤ឆ្នាំ ជាមន្ត្រីយោធាប្រត្តិបត្តិការសឹករងខេត្តរតនគីរី មានឋានៈជា វិរសេនីយ៍ទោ នាយការិយាល័យហិរញ្ញវត្ថុ។
ចំណែកលោក ថន ធុន ជាម្ចាស់ផ្ទះ ដែលត្រូវរងរបួសក្នុងហេតុការនេះ ត្រូវបានសាច់ញ្ញាតិយកទៅសង្គ្រោះបន្ទាន់ នៅមន្ទីរពេទ្យបង្អែកខេត្ត។ រីឯទំហំការខូចខាតនៅពុំទាន់ដឹងនៅឡើយទេ គេគ្រាន់តែដឹងថា សម្ភារៈនិងទ្រព្យសម្បត្ដិ ត្រូវបានសាច់ញ្ញាតិជញ្ជូនយកចេញបានបន្តិចបន្ទួចតែប៉ុណ្ណោះ ៕
សុវណ្ណារឹទ្ធិ
