បាត់ដំបង ៖ បុរសម្នាក់ផឹកថ្នាំសត្វល្អិតសម្លាប់ខ្លួន ដោយតូចចិត្តនឹងប្រពន្ធមិនអោយរួមភេទជាមួយ ព្រោះនាងមិនស្រួលខ្លួន កាលពីវេលាម៉ោង១១និង៣០នាទីយប់ថ្ងៃទី២០ ខែមិថុនា ឆ្នាំ២០១៥ ត្រង់ចំណុចភូមិអូរទន្ទឹម ឃុំតាសាញ ស្រុកសំឡូត ខេត្តបាត់ដំបង។
ប្រភពពីសមត្ថកិច្ចនគរបាលស្រុកសំឡូតបានអោយដឹងថាបុរសរងគ្រោះស្លាប់មានឈ្មោះរ៉ែម រ៉ា អាយុ៣៥ឆ្នាំ បានប្រើប្រាស់ផឹកថ្នាំសម្លាប់សត្វល្អិតសញ្ញាក្បាលខ្មោច បណ្តាលអោយស្លាប់ភ្លាមៗនៅផ្ទះកើតហេតុ។
ប្រភពអ្នកជិតខាងបានអោយដឹងថា នៅយប់កើតហេតុគេបានឮសំឡេងឈ្លោះប្រកែក គ្នារវាងប្តី ប្រពន្ធទាំងពីរនាក់នេះ ក្នុងផ្ទះរបស់គេនៅត្រង់ចំណុចកើតហេតុខាងលើ ដោយឭការអង្វរពី ប្តីសុំរួមភេទជាមួយប្រពន្ធ ប៉ុន្តែមួយសន្ទុះក្រោយមក សំឡេងនេះក៏បានស្ងប់ស្ងាត់អស់ទៅហាក់បីដូចជាត្រូវត្រូវគ្នា ។ ស្រាប់តែមួយសន្ទុះក្រោយមកឮសំឡេងប្រពន្ធស្រែកទ្រហោយំ ព្រមទាំងបានស្រែកហៅអ្នកជិតខាងអោយមកជួយទៅវិញ បង្កឲ្យមានការភ្ញាក់ផ្អើលទាំងយប់ ដោយសារតែបុរសជាប្តីនាងបានផឹកថ្នាំសម្លាប់សត្វល្អិតធ្វើអត្តឃាដខ្លួនបាត់ទៅហើយ ។
ស្ត្រីជាប្រពន្ធបានប្រាប់សមត្រកិច្ចថា មូលហេតុប្តីផឹកថ្នាំសម្លាប់ខ្លួននេះ ព្រោះតូចចិត្តអង្វរសុំរួមភេទជាមួយខ្លួនមិនបាន ដោយសារតែនាងមិនសូវស្រួលខ្លួន។
បន្ទាប់ពីសមត្ថកិច្ចធ្វើកោសល្យវិច័យរួចប្រគល់សពជូនក្រុមគ្រួសារ ទទួលយកធ្វើបុណ្យតាមប្រពៃណី ៕
តន់ ប៊ុនថេត
