ខេត្តប៉ៃលិន ៖ បុរសម្នាក់ស្រវឹងស្រាបើករថយន្ត (រថយន្តគេផ្ញើរ) ក្នុងល្បឿនលឿន ជ្រុលចង្កូតបុកចូលផ្ទះប្រជាពលរដ្ឋបណ្តាលអោយមានការភ្ញាក់ផ្អើលទាំងយប់ តែមិនបង្កគ្រោះថ្នាក់ដល់អាយុជីវិតនរណាម្នាក់ឡើយ កាលវេលាម៉ោង២០និង១៥ នាទីថ្ងៃទី១៥ ខែមិថុនា ឆ្នាំ២០១៥ នៅចំនុចមុខវត្តអូរច្រា ស្ថិតក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន។
សមត្ថកិច្ចនគរបាលបានអោយដឹងថា រថយន្តបង្កពណ៌សម៉ាកលុចស៊ីស RX 300 ពាក់ស្លាកលេខភ្នំពេញ2S9839 (រថយន្តមិត្តភ័ក្តិផ្ញើរបាន១ថ្ងៃ) បើកបរដោយឈ្មោះ ហា លីម ប្រុស ៤៤ ឆ្នាំរស់នៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ ចំណែកម្ចាស់ផ្ទះឈ្មោះ ប៉ែត ធូ អាយុ ៤៧ឆ្នាំ និង ប្រពន្ធឈ្មោះ ឈុំ ដានី អាយុ ៣៦ឆ្នាំ រស់នៅភូមិកើតហេតុខាងលើ ។ ខូចខាតផ្ទះ (ខូចខាតទ្វាចំនួន ៥ផ្ទាំង) និងរថយន្តផងដែរ ។
បច្ចុប្បន្ន រថយន្តបង្កត្រូវបានសមត្ថកិច្ចយកទៅរក្សាទុកនៅស្នងការដ្ឋាននគរបាលខេត្តប៉ៃលិន ដើម្បីរង់ចាំការដោះស្រាយទៅតាមផ្លូវច្បាប់ ៕
ដោយ ៖ ហែម វុទ្ធី
