បាត់ដំបង ៖ កាលពីម៉ោង១៨និង៣០នាទី យប់ថ្ងៃទី១៤ ខែមិថុនា ឆ្នាំ ២០១៥ នៅលើផ្ទះ ជនរងគ្រោះ ភូមិថ្នល់បត់ ឃុំអូររំដួល ស្រុកភ្នំព្រឹក ក្មេងស្រីអាយុ៧ឆ្នាំម្នាក់ត្រូវយុវជនម្នាក់ផឹកស៊ីស្រវឹងមកលេងផ្ទះចាប់រំលោភសម្រេច ម្តាយទាន់បញ្ជូននាងទៅមន្ទីរពេទ្យនិងប្តឹងសមត្ថកិច្ចចាប់ខ្លូនយុវជនសង្ស័យ។
លោក សារ៉េត វិសេដ្ឋ អធិការរង នគរបាលស្រុកភ្នំព្រឹក បានឲ្យដឹងថាយុវជនសង្ស័យដែលសមត្ថកិច្ចឃាត់ខ្លួនបាន មានឈ្មោះ ពត វុធថា ហៅ កាស អាយុ១៩ឆ្នាំ រស់នៅភូមិឃុំខាងលើ។ ចំណែកក្មេងរងគ្រោះ មានឈ្មោះរឃអាយុ៧ឆ្នាំ រស់នៅភូមិកើតហេតុ។
ឈ្មោះ ពត វុធថា ហៅ កាស បានសារភាពថា មុនពេលកើតហេតុ ខ្លួននិងបក្ខពួកមានគ្នា៣នាក់ មានឈ្មោះច្រេះអាយុ១៩ឆ្នាំនិងឈ្មោះចិនអាយុ ១៧ ឆ្នាំ (ត្រូវជាបងប្រុសក្មេងស្រីរងគ្រោះ)អង្គុយផឹកស្រាថ្នាំអស់៣ដប នៅក្រោមដើមស្វាយ ចម្ងាយពីផ្ទះជនរងគ្រោះ១០០ម៉ែត្រ ។ ក្រោយផឹកស្រារួចខ្លួនបាននាំគ្នាទៅផ្ទះឈ្មោះ ចិន ត្រូវជាបងប្រុសក្មេងស្រីរងគ្រោះ ពេលនោះឈ្មោះ ចិន ក៏ចូលដេកបាត់ ខ្លួនជនសង្ស័យបានចាប់ឱបប្អូនស្រីវាលេង និងស្តាប់បទចម្រៀងតាមទូរស័ព្ទ ក្នុងពេលនោះ ក៏មានឈ្មោះសារ័ត្នម្នាក់ទៀតនៅអង្គុយក្បែរមាត់ទ្វារដែរ ។ ពេលខ្លួនឱបក្មេងស្រីចេះតែមានអារម្មណ៍ ក៏ឱបគ្រឺតនាងកាន់តែខ្លាំង ហើយក្មេងស្រីស្រែកយំខ្លាំងៗ ពេលនោះឈ្មោះសារ័ត្នក៏ដើរចេញបាត់ទៅ ខ្លួនក៏បានធ្វើសកម្មភាពខ្ទប់មាត់ក្មេងស្រីចាប់ស្រាតខោនាងនិងដាល់ក្បាលពោះនាង ហើយរំលោភរហូតបានសម្រេច បន្ទាប់មកម្តាយនាងបើកទ្វាចូលឃើញកូនស្រី និងមានឈាមនៅលើរនាមក៏ស្រែកថា នរណារំលោភកូនស្រីអញរួច ក៏យកក្មេងស្រីទៅមន្ទីរពេទ្យ ពេលនោះខ្លួន និងអាច្រេះក៏ជិះម៉ូតូទៅមន្ទីរពេទ្យដែរ ប៉ុន្តែក្រោយមកខ្លួនបានជិះម៉ូតូមកដេកផ្ទះវិញ ក៏ត្រូវនគរបាលទៅឃាត់ខ្លួនតែម្តង ។
លោក សារ៉េត វិសេដ្ឋ អធិការរង នគរបាលស្រុកភ្នំព្រឹក បានបញ្ជាក់ថាក្មេងស្រីរងគ្រោះកំពុងសំរាកព្យាបាលនៅមន្ទីរពេទ្យ ចំណេកជនសង្ស័យសមត្ថលិច្ច បានកសាងសំណុំរឿង ពីបទរំលោភសេពសន្ថវៈ លើអនីតិជនរួចបញ្ជូនខ្លួនជនសង្ស័យ ទៅស្នងការខេត្តដើម្បីចាត់ការបន្តតាមច្បាប់៕
