ភ្នំពេញ ៖ សមាជិកព្រឹទ្ធសភាបោះឆ្នោតជ្រើសតាំង លោក សាយ ឈុំប្រធានព្រឹទ្ធសភានិតិកាលទី៣ជំនួស សម្តេច ជា ស៊ីម និងលោក នៃ ប៉េណា ជាប់ជាអនុប្រធានទី១ បន្ទាប់ពីសម្តេច ជា ស៊ីមប្រធានព្រឹទ្ធសភាចាស់បានទទួលមរណភាព។
ការប្រកាសលទ្ធផល នៃការបោះឆ្នោត ប្រព្រឹត្តឡើង កាលល្ងាចថ្ងៃទី០៩ ខែមិថុនាឆ្នាំ២០១៥នៅវិមានព្រឹទ្ធសភា នៃកម្ពុជា រាជធានីភ្នំពេញ។
សេចក្តីប្រកាសជាផ្លូវការនេះ បង្ហាញថា លោក សាយ ឈុំ ជាប់ជាប្រធានព្រឹទ្ធសភា ក្រោមសំឡេងគាំទ្រ ៥២សំឡេង នៃចំនួនសមាជិកសភាទាំងមូល រីឯលោក នៃ ប៉េណា ជាប់ជាអនុប្រធានទី១ ដោយសំឡេងគាំទ្រ ៥១សំឡេង៕
